Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Нетаньяху 12 йиллик раҳбарликдан сўнг Исроил Бош вазирлиги лавозимидан кетди

14 Июнь 2021 09:37

NUR-SULTAN. Kazinform – Якшанба куни Исроил Парламенти Биньямин Нетаньяхунинг 12 йиллик раҳбарлигига барҳам бериб, янги коалицион Ҳукумат таркибини тасдиқлади, деб хабар беради Kazinform BBCга асосланиб.

Нетаньяху Исроилни рекорд даражада 5 муддат бошқарган. Янги Ҳукуматни собиқ Мудофаа вазири, ўнг қанотли сиёсатчи Нафтали Беннет бошқаради. Коалицияда унинг кабинети Яир Лапид бошчилигидаги марказчи партиядан иборат. Томонлар Беннетнинг 2 йил давомида Бош вазир бўлиб ишлашига келишиб олдилар. Кейинчалик Лапидга ушбу лавозим янги Парламент сайловлари олдидан икки йилга берилади.

Янги альянс таркибига жуда катта мафкуравий қарама-қаршиликларга эга партиялар киради. Шунингдек, Ҳукуматда рекорд даражада аёл вазирлар (8 та вазир) бўлиши кутилмоқда. Гарчи томонларнинг сиёсий жиҳатдан ҳеч қандай умумий жиҳатлари йўқ бўлса да, улар Нетаньяхунинг узоқ муддат хизмат қилишига барҳам бериш бўйича умумий мақсадга эгадирлар.

Альянс 11 кунлик Исроил ва Хамас (Ғазо секторидаги Фаластин анклавини бошқарадиган исломий гуруҳ) ўртасидаги тўқнашувлардан ва асосан араблардан ташкил топган Исроил шаҳарларидаги жамоалар ўртасидаги тўқнашувлардан сўнг пайдо бўлди.

Исроилнинг янги Ҳукумати 28 вазир ва 6 та ўринбосарга эга бўлади.

Калит сўзлар: Яқин Шарқ,
Юқорига