Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Мустақилликнинг 30 йиллиги: Қозоғистонда 30 та мактабга 1 млн тенге грант ажратилди

15 Ноябрь 2021 20:06

NUR-SULTAN. Kazinform – Нур-Султанда «Barine bilim» кичик грант лойиҳасининг оралиқ натижалари тақдимоти бўлиб ўтди, деб хабар беради Kazinform мухбири.

Фуқаролик ташаббусларини қўллаб-қувватлаш маркази ва Жамоатчилик ташаббусларини қўллаб-қувватлаш жамғармаси томонидан амалга оширилаётган «Barine bilim» лойиҳаси доирасида 10 та ҳудуддаги 30 та мактабга 1 миллион тенге грант маблағлари ажратилди. Ташаббус муаллифлари «Қозоғистон ўқитувчиси» республика танловида кўзга кўринган ўқитувчиларни қўллаб-қувватлаш ниятида.

«Жамоат ташаббусларини қўллаб-қувватлаш жамғармаси» акциядорлик жамияти раиси Ермек Мажитов грант олган мактаблар қандай сараланганини тушунтириб берди.

«Дунёнинг энг яхши ўқитувчиси» глобал мукофотига қозоғистонлик ўқитувчиларни саралаш учун охирги 3 йил давомида «Қозоғистон ўқитувчиси» миллий мукофоти ташкил этилди. Ушбу уч йил давомида ушбу мукофот мамлакатнинг турли бурчакларидан кўплаб ўқитувчиларни мамлакатга олиб келди. Семей шаҳридаги Назарбоев интеллектуал мактабининг физика фани ўқитувчиси Асхат Жумабеков Global teacher Prize мукофотида дунёнинг энг яхши 50 нафар ўқитувчиси қаторидан жой олди.

Глобал мукофотга юзлаб ўқитувчилардан фақат 10 нафари номзод бўлади. Ушбу республика даврида қўллаб-қувватлашга лойиқ бошқа ўқитувчиларни рағбатлантириш мақсадида «Barine bilim» кичик грант лойиҳасини йўлга қўйдик. Бу грант Мустақиллигимизнинг 30 йиллигига бағишлаб 30 та мактабга берилади», - деди Ермек Мажитов.

Ушбу 1 млн тенгега ҳар бир мактаб зарур дарслик ва кўргазмали қуроллар, оргтехника ва лаборатория жиҳозларини харид қилиши керак.

«10 нафар ўқитувчидан «Дунёнинг энг яхши ўқитувчиси» глобал мукофотига 2 та номзод бор. Грантларни топширишдан аввал 30 та мактаб раҳбарияти билан видеоконференция ўтказдик. Ўшанда биз грант соҳиби бўлган ўқитувчининг талабларини инобатга олган ҳолда сотиб олинадиган буюмлар рўйхатини кўрсатган эдик. Грант ўқитувчига берилган бўлса-да, буюм мактаб ўқувчисига берилиши керак», - деди Ермек Мажитов.

Унга кўра, грант олиш ҳуқуқига эга бўлган 30 та мактабдан 150 нафар номзодлар орасидан танланади.

«Айни пайтда ҳамма ажратилган маблағлар доирасида ижтимоий лойиҳаларни амалга оширмоқда. Бу жараённи 10 декабргача якунлашни режалаштирганмиз. «Barine bilim» лойиҳасига рўйхатдан ўтган 150 дан ортиқ аризалар орасидан Павлодар, Манғистау, Туркистон, Алмати, Атирау, Шарқий Қозоғистон ва Ғарбий Қозоғистон вилоятларидан ўқитувчилар танлаб олинди. Айрим мактаблар кутубхонани шу пул билан тўлдирмоқда. Кўпчилик офис жиҳозларига эътибор қаратмоқда. Иссиқхона лойиҳасининг бир қисмини молиялаштириш учун фойдаланаётганлар бор», - деди Ермек Мажитов.

Фуқаролик ташаббусларини қўллаб-қувватлаш маркази матбуот котиби Баян Абенованинг сўзларига кўра, «Barine bilim» лойиҳаси ишга тушганига 5 йил бўлди. Шунингдек, у лойиҳани молиялаштириш бюджетдан ташқари манбалар ҳисобидан амалга оширилишини таъкидлади.











Муаллиф: Есимжан Нақтибай


Калит сўзлар: Фан, Жамият, Молия, Мустақиллик байрами,
Юқорига