Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Миллий туйғуларни ҳақорат қилиш экстремизм ҳисобланади - ҚР Бош прокуратураси

6 Май 2022 15:10

NUR-SULTAN. Kazinform – Ижтимоий тармоқларда ижтимоий ва этник адоватни қўзғатувчи белгилар билан нашрларни жойлаштириш ҳолатлари учрамоқда. Ушбу турдаги жиноят экстремистик жиноятлар ҳисобланади, шунинг учун постлар муаллифларининг узр сўраши уларни жиноий жавобгарликдан озод этмайди. Бу ҳақда ҚР Бош прокуратураси маълум қилди, деб хабар беради Kazinform.

Прокуратуранинг маълум қилишича, айрим пост ва мақолаларда бошқа миллат ёки ижтимоий гуруҳга мансуб шахсларга нисбатан бевосита жисмоний зўравонликка, шу жумладан, уларнинг тилга бўлган муносабатидан келиб чиқиб, жисмоний зўравонликка чақириқлар ҳам учраб туради. Қоидага кўра, бундай материаллар муаллифлари ҳуқуқ-тартибот идоралари томонидан шахсини аниқлагандан сўнг қилмишларидан пушаймон бўлиб, омма олдида кечирим сўрашади. Бироқ, бу уларни жавобгарликдан озод қилмайди.

«Уларнинг баёнот ва мурожаатлари, шу жумладан оммавий ахборот воситалари ёки телекоммуникация тармоқлари орқали қилинган мурожаатлари Конституция билан тақиқланади ва Жиноят кодексининг 174-моддасига асосан 2 йилдан 7 йилгача, оғир оқибатларга олиб келган тақдирда эса 12 йилдан 20 йилгача озодликдан маҳрум қилиш билан жазоланади. Ушбу турдаги ҳуқуқбузарлик экстремистик жиноятлардан бири ҳисобланади – Жиноят кодексининг 3-моддаси», — дейилади Бош прокуратура матбуот хизмати хабарида.

Калит сўзлар: Қонун, ҚР Бош прокуратураси,
Юқорига