Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

ҚР Ҳукумати ички бозорни суюлтирилган газ билан таъминлаш масаласини кўриб чиқди

18 Январь 2022 08:20

NUR-SULTAN. Кazinform – ҚР Бош вазири Алихан Смаилов раислигида нефть-газ ва энергетика соҳаларини ривожлантириш бўйича идоралараро комиссияси йиғилишида ички бозорни суюлтирилган газ билан узлуксиз таъминлаш масаласи кўриб чиқилди. Бу ҳақда Кazinform primeminister.kz га таяниб хабар беради.

Президент Қасим-Жомарт Тоқаев топшириғига кўра, суюлтирилган нефть газини (СНГ) маҳаллий ижро ҳокимияти органларининг аризалари асосида ички бозорга етказиб бериш режаси орқали электрон савдо майдончасидан (ЭСМ) ташқарида сотишга қарор қилинди.

Қозоғистон Республикасининг ички бозорига суюлтирилган нефть газини етказиб бериш режасини шакллантириш қоидаларига нефть-кимё корхоналари ва гуруҳли резервуар ускуналар(маиший фойдаланиш учун) билан бир қаторда ЭСМдан ташқарида СНГ сотиб олиш ҳуқуқига эга бўлган субъектлар рўйхатини кенгайтириш мақсадида ўзгартиришлар киритилди. Бу ҳуқуқ автогаз қуйиш шохобчалари, газ тармоқлари ташкилотлари, газ қуйиш шохобчалари, газ қуйиш станцияларига берилди.

Энергетика вазирлиги ушбу янги тоифадаги субъектлар учун суюлтирилган нефть газини ички бозорда электрон савдо майдончасидан ташқарида тарқатиш ҳуқуқига эга.

150 дан ортиқ суюлтирилган газни улгуржи ва чакана савдо субектлари фаолият кўрсатаётган вилоятлар ҳокимликларига суюлтирилган газни бундай субъектлар ўртасида тақсимлашнинг ўз механизмларини ишлаб чиқиш ваколати берилган.

2021 йил декабр ва 2022 йил январ ойларида чакана сотувчилар суюлтирилган газ ҳажмини ЭСМдан улгуржи бозор нархларида сотиб олдилар. Жорий йилнинг 5 январидан суюлтирилган нефть газининг чакана савдосининг энг юқори нархи (ҳудудига қараб – литри учун 50 тенгедан 70 тенгегача, чекка ҳудудларда – литри учун 55 тенгедан 75 тенгегача), шунингдек, улгуржи савдонинг энг юқори нархи 1 тоннаси учун 38 701 тенгедан 28 000 тенгегача пасайди.

Калит сўзлар: ҚР Бош вазири,
Юқорига