Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

ҚР Президенти Туркистон вилояти ҳокимини қабул қилди

15 Октябрь 2021 08:00

NUR-SULTAN. Kazinform – ҚР Президенти Қасим-Жомарт Тоқаев Туркистон вилояти ҳокими Умирзақ Шукеевни қабул қилди, дея хабар беради Kazinform Ақорда расмий сайтига таяниб.


Қасим-Жомарт Тоқаевга жорий йилнинг 9 ойида Туркистон вилоятининг ижтимоий-иқтисодий ривожланиши якунлари ҳақида маълумот берилди. Умирзақ Шукеевнинг сўзларига кўра, минтақада савдо, қишлоқ хўжалиги, қурилиш, сармоя, кичик ва ўрта бизнеснинг ўсиши кузатилган. Ялпи ҳудудий маҳсулот ҳажми бўйича мамлакатда иккинчи ўринда туради.

Президентга ҳудуддаги эпидемиологик вазият ҳақида маълумот берилди. Ҳаммаси бўлиб, коронавирус эпидемияси бошланганидан буён минтақада 14 645 киши инфекция юқтирди. Бу вилоят аҳолисининг 1,6 фоизини ташкил қилади. Ҳозирги вақтда вилоят фуқароларининг 97,8 фоизи вакцинанинг биринчи компоненти билан эмланган.

Умирзоқ Шукеев, шунингдек, Туркистонни тоза сув билан таъминлаш борасидаги ишлар ҳақида ҳисобот берди. Вилоят маркази яқинидаги 4 та булоқ ортиқча ичимлик суви билан таъминлаш имконини берди. Президентга вилоятда канализация тақчиллиги муаммосини ҳал қилишга қаратилган жорий ишлар ҳақида маълумот берилди.

Қасим-Жомарт Тоқаев Туркистон вилоятида олиб борилаётган ишларга юқори баҳо берди.

Президент вилоятда сув таъминоти ва бошқа лойиҳаларни босқичма -босқич ва ўз вақтида якунлашни топширди.


Калит сўзлар: Қабул, Ҳудудларни ривожлантириш,
Юқорига