Об-ҳаво
Астана -18 °С
Алматы 1 °С
Валюта курси
USD 421.58
EUR 496.83
RUB 5.53
CNY 62.20

ҚР Президенти Садир Жапаров билан кичик гуруҳда музокаралар ўтказди

2 Март 2021 15:08

NUR-SULTAN. Kazinform – Ақордада Қирғизистон Президенти Садир Жапаровни тантанали кутиб олиш маросими бўлиб ўтди, деб хабар бермади Ақорда матбуот хизмати.

Икки мамлакат давлат мадҳиялари ижро этилгандан сўнг Фахрий қоровул бошлиғи Қозоғистон ва Қирғизистон президентларига рапорт берди. Давлатлар раҳбарлари Фахрий қоровул олдидан ўтиб, тор доирада музокаралар ўтказиш учун резиденциянинг «Шарқий зали»га йўл олдилар.

Қасим-Жомарт Тоқаев Садир Жапаровнинг Президент сифатида биринчи давлат ташрифини Қозоғистондан бошлаши муҳимлигини таъкидлади.




«Бу Қозоғистон учун катта шараф. Сизнинг ташрифингизнинг роли ва аҳамияти алоҳида катта деб айтиш мумкин. Чунки ушбу ташриф икки мамлакат муносабатларига катта туртки беради. Аслида, сизнинг ташрифингиз дастури жуда кенг. Шунинг учун биз бугунги кунда энг долзарб масалалар бўйича фикр алмашамиз. Худо хоҳласа, иккала халқ манфаатлари йўлида келишувга эришамиз деган умиддаман», - деди Давлат раҳбари.




Қасим-Жомарт Тоқаев қозоқ-қирғиз муносабатлари ўртасида анъанавий дўстлик мавжудлигини, шунингдек Қирғизистон бизнинг мамлакатимиз учун нафақат иттифоқдош, балки қардош давлат эканлигини ҳам таъкидлади.

«Биз ушбу анъанани - қадрлаймиз. Бизнинг вазифамиз ушбу анъанани давом эттириш ва мустаҳкамлашдир. Шунинг учун бугунги музокаралар жуда муҳим», - деди Давлат раҳбари.




Ўз навбатида, Қирғизистон Президенти Қасим-Жомарт Тоқаевга Қозоғистонга давлат ташрифи учун таклиф қилгани учун миннатдорлик билдирди. Садир Жапаров икки мамлакат ўртасидаги чуқур муносабатларни тасвирлаб, машҳур қозоқ шоири Жубан Молдағалиевнинг сўзларини ёдга олди.




Учрашув давомида Қозоғистон ва Қирғизистон Президентлари икки томонлама стратегик шерикликнинг кўплаб масалаларини, шу жумладан сиёсий, савдо-иқтисодий, сармоявий, транспорт-логистика, сув-энергетика, коронавирус эпидемиясига қарши биргаликда чора-тадбирлар, маданий-гуманитар соҳаларни, Евроосиё интеграцияси ва кўп қирралилик билан бир қаторда тузилмалар доирасидаги алоқаларни муҳокама қилди.








Калит сўзлар: Халқаро алоқалар, Марказий Осиё, Қабул,
Юқорига