Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

ҚР Президенти ОҲИЧК Котибияти ижрочи директорини қабул қилди

19 Октябрь 2021 19:48

NUR-SULTAN. Kazinform – Қозоғистон Президенти Осиёдаги ўзаро ҳамкорлик ва ишонч чоралари кенгаши (ОҲИЧК) Котибияти ижрочи директори Қайрат Сарибайни қабул қилди, деб хабар беради Kazinform Ақордага таяниб.

Қасим-Жомарт Тоқаевга Осиёдаги ўзаро ҳамкорлик ва ишонч чоралари кенгашига Қозоғистон раислигининг биринчи йили якунлари ҳақида маълумот берилди. Шунингдек, Котибиятнинг жорий фаолиятининг устувор йўналишларидан бири сифатида форумни институционал ривожлантириш бўйича олиб борилаётган ишларга ҳам алоҳида эътибор қаратилди.

Шу билан бирга, ОҲИЧК Котибияти ижрочи директори Қайрат Сарибай Давлат раҳбарига Донишмандлар кенгашини тузиш ташаббусларини амалга ошириш ва ОҲИЧКнинг Таҳлил марказлари форумини доимий консультатив платформа сифатида қайта ташкил этиш ҳақида маълумот берди.

Учрашув чоғида Қасим-Жомарт Тоқаевга ОҲИЧК доирасида Осиёда ишонч ва ҳамкорликни мустаҳкамлашга қаратилган 50 га яқин тадбир ўтказилгани қайд этилди.

Бундан ташқари, Қайрат Сарибай Давлат раҳбарига Ташқи ишлар вазирлари кенгашининг яқинда ўтказилган йиғилишининг асосий натижалари ва 2022 йилда Нур-Султанда ОҲИЧКнинг VI Саммитига тайёргарлик ҳақида маълумот берди.

Қозоғистон Президенти бўлажак олий даражадаги учрашувга пухта тайёргарлик кўриш, муҳим масалалар ва ташкилий ишларни ишлаб чиқиш муҳимлигини таъкидлади.

Калит сўзлар: Ҳисобот, Қабул, Халқаро алоқалар,
Юқорига