Об-ҳаво
Астана 5 °С
Алматы 10 °С
Валюта курси
USD 421.58
EUR 496.83
RUB 5.53
CNY 62.20

ҚР Президенти коронавирус пандемияси юзасидан йиғилиш ўтказди

12 Март 2020 13:08

NUR-SULTAN. Kazinform – Қозоғистон Президенти Қасим-Жомарт Тоқаев бир қатор давлат органлари раҳбарлари билан йиғилиш ўтказди, дея хабар беради Kazinform Ақорда матбуот хизматига таяниб.

Йиғилишда ҚР Соғлиқни сақлаш вазири Елжан Биртанов Қасим-Жомарт Тоқаевга Жаҳон соғлиқни сақлаш ташкилоти коронавирус пандемиясини эълон қилганидан кейинги глобал вазият ҳақида маълумот берди. Вазир, шунингдек, ЖССТнинг эпидемияларга қарши кураш бўйича тавсиялари, шунингдек, Қозоғистон фуқароларининг хавфсизлигини таъминлаш бўйича кўрилаётган чоралар тўғрисида маълумот бериб ўтди.

Қозоғистон Президенти Ҳукуматга ва бошқа давлат органларига вируснинг мамлакатимизга кириб келиши ва тарқалишининг олдини олиш чораларини кучайтириш бўйича бир қатор аниқ топшириқлар берди. Хусусан, оммавий маданий ва спорт тадбирлари, конференциялар ва кўргазмалар ўтказиш вақтинча тақиқланган. Аҳоли зич жойлашган жойларда, савдо марказлари ва бозорларда, умумий овқатланиш корхоналарида, станцияларда ва аэропортларда қаттиқ санитария режими жорий этилади. Мактабларда баҳорги таътил 2020 йил 16 мартдан бошланади. Олий ўқув юртлари масофавий ўқитиш тизимига ўтказилади. Халқаро ҳаво қатновларига қўшимча чекловлар ҳам қўлланилади.

Қасим-Жомарт Тоқаев аҳолини озиқ-овқат ва зарур товарлар билан узлуксиз таъминлаш муаммосига урғу берди. Президентнинг таъкидлашича, кичик ва ўрта бизнес чеклов чораларидан азият чекмаслиги керак.


Калит сўзлар: Жамият,
Юқорига