Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

ҚР Президенти Ҳиндистон Ташқи ишлар вазирини қабул қилди

12 Октябрь 2021 15:46

NUR-SULTAN. Kazinform - Президент Қасим-Жомарт Тоқаев Осиёда ўзаро ҳамкорлик ва ишонч чоралари бўйича кенгашнинг олтинчи кенгашида иштирок этиш учун Нур-Султанга келган Ҳиндистон Ташқи ишлар вазири Субраманиям Жайшанкарни қабул қилди.

Учрашувда томонлар сиёсий, савдо -иқтисодий ва сармоявий соҳаларда ҳамкорликни мустаҳкамлаш учун Қозоғистон ва Ҳиндистон ўртасидаги кўп қиррали муносабатларни ривожлантириш истиқболларини муҳокама қилишди, деб хабар беради Kazinform Ақорда расмий сайтига таяниб.

Қасим-Жомарт Тоқаев Субраманиям Жайшанкар билан суҳбат чоғида Кенгашга аъзо давлатлар вазирларининг бугунги йиғилишида Ҳиндистоннинг иштирок этишининг муҳимлигини қайд этди ва Қозоғистон ташаббусларини қўллаб-қувватлагани учун мамлакат раҳбариятига миннатдорчилик билдирди.

Президент вазирга мамлакатда CОVID-19 билан курашиш бўйича кўрилаётган чора-тадбирлар, Қозоғистоннинг Aфғонистондаги вазиятни барқарорлаштириш ва гуманитар ёрдам кўрсатиш борасидаги ҳаракатлари ҳақида маълумот берди.

Президент, шунингдек, Қозоғистон ва Ҳиндистон ўртасидаги муносабатларни янада ривожлантиришга янги туртки берадиган икки мамлакат ўртасида ҳаво алоқасини тиклаш муҳимлигини таъкидлади.

Ўз навбатида, Ҳиндистон Ташқи ишлар вазири Қасим-Жомарт Токаевга Ҳиндистон Бош вазири Нарендра Модининг саломини етказди, у Марказий Осиё минтақасини ҳамкорликнинг муҳим йўналиши деб билади. Шу билан бирга, ҳинд дипломатининг айтишича, ўз мамлакати раҳбарияти Қозоғистон Президентини келаси йили Ҳиндистонга ташриф буюришга таклиф қилади.

Суҳбат чоғида пандемия оқибатларини бартараф этишга алоҳида эътибор қаратилди. Субраманиям Жайшанкар Қасим-Жомарт Тоқаевга ўз мамлакатининг эмлаш сертификатларини ўзаро тан олиш ҳақидаги таклифини етказди ва Ҳиндистон фармацевтика ҳамда иқтисодиётни рақамлаштириш соҳасидаги ҳамкорликни фаоллаштиришга тайёрлигини билдирди.


Калит сўзлар: Ақорда, Халқаро алоқалар,
Юқорига