Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

ҚР Бош вазири Chevron раҳбарияти билан учрашди

11 Октябрь 2021 19:00

NUR-SULTAN. Kazinform – ҚР Бош вазири Асқар Мамин «Шеврон» (Chevron) компаниясининг ишлаб чиқариш бўйича вице-президенти Джеймс Джонсон билан музокара ўтказди, деб хабар беради Kazinform.

Томонлар келгусида «Тенгизшевройл» (ТШО) кенгайтириш лойиҳасини амалга ошириш, Қарашиғанак лойиҳасини кенгайтириш ва Каспий қувур линияси консорциумининг имкониятларини ошириш истиқболларини муҳокама қилишди. Замонавий экологик тоза технологияларни қўллаш, ижтимоий лойиҳаларни амалга ошириш, соғлиқни сақлаш ва хавфсизлик соҳасида юқори стандартларга мувофиқлигини таъминлаш масалалари кўриб чиқилди.




«Шеврон» учта йирик лойиҳада – Тенгиз (50%), Қарашиғанак (18%) ва Каспий қувур линияси консорциуми (15%) лойиҳаларида активлари бўлган Қозоғистондаги энг йирик хорижий инвестор. 2020 йилда ТШО 26,5 миллион тонна хом нефт қазиб олди. Давлатга тўғридан-тўғри молиявий тўловлар 6,6 миллиард долларни ташкил этди, қозоғистонлик етказиб берувчиларнинг товарлари ва хизматлари 3,5 миллиард доллардан ошди.

Бу йил ТШО 26,3 миллион тонна нефт қазиб олишни режалаштирмоқда. 2021 йилнинг 8 ойида давлатга тўловлар 4,9 млрд долларни ташкил этди. Келгусидаги кенгайтириш лойиҳасининг якунланиши 2023 йил охирига келиб ишлаб чиқаришни йилига 12 миллион тоннага ошириш имконини беради. ТШО гази Атирау вилоятида полипропилен (йилига 500 минг тонна) ва полиэтилен (йилига 1,25 миллион тонна) ишлаб чиқарадиган иккита йирик газ-кимё лойиҳасининг хом ашёси ҳисобланади.

Музокаралар якунида Қозоғистон Республикаси Энергетика вазирлиги ва «Шеврон» компанияси ўртасида Қозоғистонда 248,5 миллион долларлик тўғридан-тўғри инвестиция жамғармасини ташкил этиш тўғрисида ўзаро англашув меморандуми имзоланди.

Меморандум Қозоғистоннинг нефт-газ соҳасида, атроф-муҳитни муҳофаза қилишда, шунингдек, ахборот ва рақамли технологиялар соҳасида маҳсулот ишлаб чиқаришни, ишларни бажариш ва хизматлар кўрсатиш учун тижорат корхоналарига сармоя киритиш орқали иқтисодиёт ва маҳаллий таркибни ривожлантириш жамғармасини яратиш назарда тутади.

Жамғарма капитали «Шеврон»нинг Қозоғистондаги фойдасининг бир қисмидир. Учрашувда энергетика вазири Мағзум Мирзағалиев ва «ҚазМунайГаз» АЖ бошқаруви раиси Алик Айдарбаев иштирок этди.
Калит сўзлар: ҚР Бош вазири, Инвестиция,
Юқорига