Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистоннинг 1700дан ортиқ аҳоли пунктлари газ билан таъминланган – Ҳукумат

24 Май 2022 17:55

NUR-SULTAN. Kazinform – Қозоғистонда 1700 дан ортиқ аҳоли пункти ёки 11 миллиондан ортиқ қозоғистонликлар табиий газ билан таъминланган. Бу ҳақда Қозоғистон Бош вазири Алихан Смаилов маълум қилди, дея хабар беради Kazinform мухбири.

«Глобал таҳлиллар шуни кўрсатадики, газ саноати бошқа энергия манбаларини ишлаб чиқариш ва истеъмол қилишдан кўра тезроқ ривожланмоқда. Қозоғистонда ҳам худди шундай ҳолат. Масалан, 2017 йилда мамлакатимизда қарийб 14 миллиард куб метр газ истеъмол қилинган бўлса, 2021 йилда унинг ҳажми 19 миллиард куб метрга яқинлашади. Биргина ўтган йилнинг ўзида 3600 дан ортиқ саноат объекти газга ўтказилди», - деди Бош вазир Ҳукуматнинг бугунги мажлисида.

Натижада сўнгги 5 йилда ички бозорда газ истеъмоли 35 фоизга ошди. Жорий йилда истеъмол ҳажми 20 миллиард куб метргача ошиши кутилмоқда.

«Газлаштирилган аҳоли пунктларининг умумий сони 1700 дан ортиқ. Шундай қилиб, 11 миллиондан ортиқ қозоғистонлик табиий газдан фойдаланиш имкониятига эга. Бу барқарор ривожланаётган газ тармоғи мамлакатимизни ижтимоий-иқтисодий ривожлантиришда муҳим ўрин тутаётганини кўрсатади», – деди Алихан Смаилов.

Аввалроқ Энергетика вазири 2022 йилда аҳолининг 58,43 фоизи газ билан таъминланишини маълум қилганди.

Жорий йилда 146 минг аҳоли ёки 93 аҳоли пункти газ билан таъминланган 133 та лойиҳани амалга ошириш учун 96 миллиард тенге маблағ ажратилган.

Муаллиф: Айжан Серикжанқизи

Калит сўзлар: Ҳукумат йиғилиши, ҚР Энергетика вазирлиги,
Юқорига