Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Қозоғистонда жамоат хавфсизлигини таъминлаш учун қанча видеокузатув камералари керак

26 Октябрь 2021 10:10

NUR-SULTAN. Kazinform - Қозоғистонда аҳоли тинчлиги ва хавфсизлигини таъминлаш учун қанча видеокузатув камералари керак? Бу саволга ҚР Ички ишлар вазири ўринбосари Сакен Сарсенов жавоб берди, деб хабар беради Kazinform мухбири.

«Биз мамлакатда оммавий видеокузатувни фаол жорий қиламиз. Бу борада 100 нафар аҳолига 15 та видеокузатув камераси тўғри келиши бўйича халқаро тажрибани ўргандик. Бунга эришиш учун мамлакатимизда 2 миллион 795 мингга яқин видеокузатув камераларини ўрнатишимиз керак. Видеокузатув айниқса гавжум, жамоат жойларида бўлиши керак. Видеокузатув камералари туфайли жамоат жойларидаги жиноятлар 2019-йилда 14 фоизга, ўтган йили 51 фоизга, жорий йилнинг 9 ойида эса 29,8 фоизга камайди», — деди Сакен Сарсенов Марказий коммуникациялар хизматида бўлиб ўтган матбуот анжуманида.

Унга кўра, бугунги кунда мамлакат бўйлаб жамоат жойларига 625 мингдан ортиқ видеокузатув камералари ўрнатилган.

Aввалроқ вазир ўринбосари мамлакатда инсон юзини танийдиган технологияни жорий етиш имкониятлари ҳақида гапирган эди.

Сакен Сарсенов, шунингдек, жорий йил охиригача мамлакат ички ишлар идоралари видеокузатув камералари билан тўлиқ таъминланишини маълум қилди.

Муаллиф: Aли Ибраев

Юқорига