Об-ҳаво
Астана -12 °С
Алматы 0 °С
Валюта курси
USD 421.58
EUR 496.83
RUB 5.53
CNY 62.20

Қозоғистонда янги қурилган уйларни интернетсиз топшириш тақиқланади

16 Октябрь 2020 12:26

NUR-SULTAN. Kazinform – Янги қурилган турар жой комплексларини интернетсиз фойдаланишга топшириш тақиқланади. Бу ҳақда Қозоғистон Рақамли ривожланиш, инновациялар ва аэрокосмик саноат вазири Бағдат Мусин маълум қилди, дея хабар беради Kazinform мухбири.

«Ушбу муаммоларни ҳисобга олган ҳолда биз регуляторнинг, яъни бизнинг вазирлигимизнинг ролини кучайтиришни ва тегишли қонунчиликка ўзгартириш киритишни таклиф қиламиз. Биринчидан, биз сифатли ечимларни бажариш ва бошқариш вазифаларини бажариш учун телекоммуникация тармоқларининг бош режасини ишлаб чиқамиз. Ушбу маълумот вазирликка автоматик равишда операторлар томонидан тақдим этилиши керак», - деди вазир Сенатдаги рақамлаштириш бўйича Ҳукумат соатида.

Иккинчидан, агентлик Интернет сифатига талаблар қўяди ва кўрсатилаётган хизматлар сифати устидан назоратни кучайтиради.

«Шунингдек, радиочастоталарни тақсимлашнинг янги стандартларини тасдиқлаш керак. Интернетсиз уй-жой комплексларини фойдаланишга топширишни тақиқлаймиз. Радиочастоталар учун йиллик тўлов ставкасини 90 фоизга пасайтириш орқали қишлоқ жойларда кенг полосали уяли алоқа тармоқларини қуриш учун маблағларни қайта инвестиция қилиш мақсадида уяли алоқа ташкилотларига солиқ имтиёзларини беришни таклиф этамиз», - деди вазир.

Унинг сўзларига кўра, соҳа қонунчилигини бузганлик учун жарима миқдорини ошириш режалаштирилган.


Муаллиф: Руслан Ғаббасов


Юқорига