Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистонда туркий тилли давлатлар билан ҳамкорликка бағишланган қонун қабул қилинди

21 Апрель 2022 11:00

NUR-SULTAN. Kazinform – ҚР Парламенти Сенати «Қозоғистон ҳукумати ва Туркий тиллар академияси ўртасида Туркий тиллар академиясини жойлаштириш шартлари ва тартиби тўғрисидаги битимни ратификация қилиш тўғрисида»ги қонунни қабул қилди, деб хабар беради Kazinform мухбири.

Академиянинг асосий мақсади туркий тиллар, адабиёт ва маданиятни асраб-авайлаш, ривожлантириш ва тарғиб этишга қаратилган туркология соҳасидаги тадқиқотларни мувофиқлаштиришдан иборат. Ҳозирда академия таркибига Қозоғистондан ташқари Қирғизистон, Озарбайжон ва Туркия киради.

«Академия штаб-квартираси Нур-Султанда жойлашганлиги сабабли келишувдан кўзланган мақсад Туркий академиянинг мамлакатдаги фаолияти давомидаги мақомини, унинг афзалликлари ва иммунитетларини белгилашдан иборат», - деди таълим ва фан вазири Асхат Аймағамбетов.

Унга кўра, академияда 17 нафар ходим ишлайди. Улардан икки нафари хориж фуқаролари.

«Шартнома кучга кирганидан кейин академиянинг маҳаллий ва хорижлик ходимлари Ташқи ишлар вазирлиги томонидан аккредитациядан ўтиши керак бўлади. Чет эллик ишчилар учун бу уларнинг мамлакатда қолишлари учун асосдир.

«Академия илмий-тадқиқот ишлари, китоб ва журналлар нашр этиш, таниқли туркшунос олимлар учун халқаро форум ва анжуманлар ўтказиш, туркология бўйича илмий тадқиқотлар олиб бориш билан шуғулланади. Туркий тилли давлатлар ташкилотига аъзо давлатлар билан ҳамкорликни мустаҳкамлаш ва Қозоғистоннинг туркий дунёда ролини ошириш муҳимлигини ҳисобга олиб, ушбу қонун лойиҳасини қўллаб-қувватлашингизни сўрайман», — деди Асхат Аймағамбетов.

Қонун лойиҳасини муҳокама қилиш чоғида депутатлар ҳужжатни қабул қилишга қарор қилдилар.

Муаллиф: Руслан Ғаббасов


Юқорига