Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистонда ревакцинация қилинадиган шахслар тоифаси кенгайтирилди - қарор

24 Май 2022 08:53

NUR-SULTAN. Кazinform - Қозоғистон Бош давлат санитария врачининг янги қарорига кўра, коронавирусга қарши ревакцинация қилинадиганлар тоифаси кенгайтирилади, деб хабар беради Кazinform мухбири.

Хусусан, Қозоғистон Республикаси Бош давлат санитария врачининг 2022 йил 13 январдаги 2-сонли «Қозоғистон Республикасида коронавирус инфекцияси бўйича санитария-эпидемиология ва санитария-профилактика тадбирларини ташкил этиш ҳамда ўтказиш тўғрисида»ги қарорига ўзгартиришлар киритилди.

Қарорнинг аввалги таҳририда 129-бандда шундай дейилган:

«Қозоғистонда истиқомат қилувчи барча шахслар, шу жумладан КВИга қарши эмлашнинг дастлабки курсини 3 ёки ундан ортиқ вақт давомида тугатган хорижликлар ҳам КВИга қарши қайта эмлашдан ўтказилади». Энди бу банд қуйидагича ўзгартирилади:

«Барча шахслар, шу жумладан Қозоғистонда 3 ой ва ундан кўпроқ вақт давомида истиқомат қилувчи чет элликлар ҳам КВИ га қарши қайта эмланади.

КВИ ревакцинацияси КВИга қарши олдинги профилактик эмлашдан кейин 6 ой оралиғида КВИ эмлашнинг тўлиқ курсини олган ва аввал биринчи ревакцинацияни олган одамлар учун амалга оширилади.

Алгоритмнинг 130-банди қуйидаги таҳрирда баён этилади:

«КВИ инфекциясининг юқори хавфи (устиворлиги) бўлган қуйидаги шахслар КВИга қарши қайта эмлашдан ўтказилади:

1) тиббиёт ходимлари;

2) тиббий-ижтимоий муассасаларнинг контингенти ва ходимлари;

3) ҳуқуқни муҳофаза қилиш органлари ходимлари;

4) ўқитувчилар;

5) жазони ижро этиш (жиноий-ижроия) тизими муассасалари контингенти;

6) 50 ёшдан ошган одамлар.

Олдинги таҳрирда 130-бандда шундай дейилган:

«КВИ ревакцинацияси КВИ эмлашнинг дастлабки курси тугаганидан кейин ҳар 6 ойда бир марта амалга оширилади.»

Қарор 25 майдан кучга киради. Ҳужжат матни билан бу ерда танишиш мумкин.

Қайта эмлаш учун 500 минг дозадан ортиқ Pfizer вакцинаси харид қилиниши аввалроқ хабар қилинган эди.

Муаллиф: Есимжан Нақтибай


Калит сўзлар: Тиббиёт, ҚР Соғлиқни сақлаш вазирлиги,
Юқорига