Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистонда давлат хизматларини кўрсатишда қоғозбозлик камаяди

9 Сентябрь 2021 15:52

NUR-SULTAN. Kazinform – Бундан буён давлат хизматларини олаётган қозоғистонликлар учун қоғоз ҳужжатлари янада камайтирилади. Бу ҳақда «Фуқаролар учун ҳукумат» давлат корпорацияси бошқаруви раиси Адил Қожиқов маълум қилди, деб хабар беради Kazinform мухбири.

«Президентнинг Мурожаатномасида давлат органларини рақамлаштиришнинг муҳимлиги таъкидланган. Бугунги кунда рақамлаштириш коррупциянинг олдини олиш воситасидир. Бу борада давлат органлари ва уларнинг фаолиятини рақамлаштириш муҳим вазифадир. Бугунги кунда рақамли хизматлар нафақат аҳоли ишини енгиллаштиради, балки ошкораликни ҳам таъминлайди», - деди Адил Қожиқов.

Унинг сўзларига кўра, бугунги кунда мамлакатда давлат бошқарувини рақамлаштириш фаол олиб борилмоқда.

«Ростини айтсам, қоғоз иши одамларга хизмат олишнинг осон йўлларини излашга мажбур қилади. Шунинг учун, биз хизматлар учун зарур бўлган ҳужжатлар ва сертификатлар сонини минималлаштириш устида ишлаяпмиз. Давлат раҳбари айтганидек: «Ҳужжатлар эмас, одамлар ишлаши керак«. Яъни, одамлар маълум бир ҳужжат ёки сертификат олиш учун идорадан идорага югуриб юрмасликлари керак. Бу ҳужжатларни расмийлаштиришни камайтиради», - деди у.

Муаллиф: Али Ибраев

Калит сўзлар: Ахборот технологиялари, Технологиялар,
Юқорига