Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Қозоғистонда БТСЁ мувофиқлаштириш маркази очилади

19 Сентябрь 2021 09:24

NUR-SULTAN. Kazinform - Қозоғистон Cоғлиқни сақлашни ривожлантириш миллий илмий марказида миллий даражадаги бирламчи тиббий- санитария ёрдамини янада кучайтириш учун БТСЁ (бирламчи тиббий-санитария ёрдами) мувофиқлаштириш маркази очилади. Бу ҳақда Соғлиқни сақлаш вазирининг биринчи ўринбосари Марат Шоранов Жаҳон соғлиқни сақлаш ташкилотининг Европа минтақавий қўмитасининг 71 -сессиясида сўзлаган нутқида маълум қилди, дея хабар беради Kazinform Соғлиқни сақлаш вазирлигига таяниб.

Марат Шоранов Қозоғистоннинг ЖССТ билан ҳамкорлиги 2015 йилда Бирламчи тиббий -санитария ёрдами бўйича халқаро ташкилотнинг географик жиҳатдан олис офиси ёки ЖССТ Европа врачлик маркази очилиши билан янада чуқурлашганини эслатди. Алматида марказни очиш тўғрисидаги битимни ЖССТ Европа минтақавий директори Жужуанна Якаб ва Қозоғистон собиқ соғлиқни сақлаш вазири Салидат Қайирбекова имзолаганлар.

Вазирнинг биринчи ўринбосари Марат Шоранов ЖССТ офисига миллий даражадаги БТСЁ самарадорлигини оширишга қаратилган янги йиллик онлайн ўқув дастурини ишга туширгани учун миннатдорчилик билдирди.

71-сессия давомида М. Шоранов соғлиқни сақлаш соҳасида ҳаётий кадрлар потенциалини шакллантириш бўйича шахсий мунозарада иштирок этди.

Унинг таъкидлашича, бу мавзу, COVID-19 пандемияси авж олиши ва тарқалиши натижасида юзага келган глобал ўзгаришлар шароитида айниқса долзарбдир.

«Ўтган икки йил ичида биз ҳаётни сақлаб қолиш учун курашган ва курашишда давом этаётган тиббиёт ходимларининг қаҳрамонлигига гувоҳ бўлдик. Бу факт тиббиёт ходимлари тинчлик даврида ҳам, пандемияда ҳам фуқаролар хавфсизлиги ва саломатлиги учун муҳим манба эканлигини яна бир бор тасдиқлади. Таъкидлаш жоизки, жамият ва ҳукумат шифокорлар ва бошқа соғлиқни сақлаш ходимларини қўллаб-қувватлаш ва рағбатлантириш муҳимлигини янгича тушуниб, алоҳида эътибор бераётганлигини тан олиш керак», - деди М. Шоранов.

Хулоса қилиб айтганда, у тиббий ходимларнинг юқори мақомини тиклашда эришилган ютуқларни қайд этди, бу ижобий томонга ўзгараётган кадрлар сиёсати ва қонунчилик янгиликлари билан мустаҳкамланади.

Юқорига