Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Қозоғистон вакиллари Туркманистонда бўлиб ўтган ИҲТ кенгаши ишида иштирок этди

29 Ноябрь 2021 08:59

NUR-SULTAN. Kazinform - Қозоғистон делегацияси ИҲТ Ташқи ишлар вазирлари кенгашида иштирок этди. Бу ҳақда Kazinform ҚР Ташқи ишлар вазирлигига таяниб.

Қозоғистон Республикаси Ташқи ишлар вазирининг биринчи ўринбосари Шаҳрат Нуришев Aшхобод шаҳрида бўлиб ўтаётган Иқтисодий ҳамкорлик ташкилотининг (ИҲТ) 15-саммити арафасида Туркманистон раислигида бўлиб ўтган ИҲТ Ташқи ишлар вазирлари кенгашининг 25-сессиясида иштирок этди.

Тадбирда ИҲТ Ташқи ишлар вазирликлари ва ихтисослаштирилган идоралари раҳбарлари иштирок этди.

Вазирлар ИҲТ саммити кун тартиби лойиҳалари ва ИҲТ Давлат раҳбарларининг бўлажак йиғилишида қабул қилинадиган Ҳаракатлар бўйича Aшхобод консенсуси (Aшхобод декларацияси) бўйича келишиб олдилар.

Кенгаш мажлисида Бош котибнинг ИҲТ Котибияти фаолияти тўғрисидаги ҳисоботи ва 2021-2022 йилларга мўлжалланган ИҲТ минтақавий лойиҳалари бўйича тавсиялар тингланди, ИҲТ Котибиятининг 2022 йилга мўлжалланган бюджети тасдиқланди ва 2025 йилгача ИҲТни ривожлантириш концепцияси янгиланди.

Бундан ташқари, йиғилишда ИҲТ мукофотига номзодлар тасдиқланди. Тарих, маданият, адабиёт ва санъат йўналиши бўйича Қозоғистон Республикаси Маданият ва спорт ишлари вазирлиги ҳузуридаги Миллий музей жисмоний антропология лабораторияси мудири Оразақ Исмағуловнинг номзоди маъқулланди.

Учрашув якунлари бўйича Ташқи ишлар вазирлари ИҲТ ва ЭСКАТО ўртасида ўзаро англашув меморандумини имзоладилар.

Вазирлар учрашуви арафасида ИҲТ бизнес-форуми доирасида Қозоғистон-Туркманистон-Эрон темир йўл коридорида юк ташиш ҳажмини оширишга қаратилган меморандум имзоланди.

Калит сўзлар: Халқаро алоқалар,
Юқорига