Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Қозоғистон ва Ўзбекистон ўртасидаги иттифоқчилик муносабатлари тўғрисидаги Декларация имзоланди

6 Декабрь 2021 17:45

NUR-SULTAN. Kazinform – Бугун Ақордада Қасим-Жомарт Тоқаев ва Шавкат Мирзиёев Қозоғистон Республикаси ва Ўзбекистон Республикаси ўртасидаги иттифоқчилик муносабатлари тўғрисидаги декларацияни имзоладилар. Бу ҳақда Ақорда маълум қилди, деб хабар беради Kazinform.

Эслатиб ўтамиз, бугун Қозоғистон ва Ўзбекистон Президентлари Қасим-Жомарт Тоқаев ва Шавкат Мирзиёевнинг кенгайтирилган таркибда икки томонлама музокаралари бўлиб ўтди .

«Бугун биз давлатлараро муносабатлар мақомини иттифоқчилик даражасига кўтаришга келишиб олдик. Биз ҳозиргина бу борада фикр алмашдик ва бу мамлакатларимиз ўртасида сифат жиҳатидан мутлақо янги босқич эканлигини таъкидладик. Албатта, иттифоқчилик муносабатлари мамлакатларимиз олдига алоҳида вазифа қўяди. Мен давлатлараро кенгаш тузишни таклиф қилдим. Ушбу учрашув доирасида биз кераксиз норасмий, ишбилармонлик асосида тез-тез учрашишимиз мумкин», - деди Қозоғистон Президенти.

Ўзбекистон Президенти мамлакатларимиз ўртасида ўрнатилган яқин ва қардошлик ришталарини юқори баҳолади.

«Биз кўп қиррали ҳамкорлигимизнинг долзарб масалалари бўйича умумий манфаатларимиз ва позицияларимизни яна бир бор тасдиқладик. Биз мамлакатларимиз ўртасида ўрнатилган яқин ва қардошлик ришталарини юксак қадрлаймиз. Ҳозиргина Қасим-Жомарт Кемелули халқимиз ушбу ташрифдан миннатдор эканини айтди. Дарҳақиқат, ҳар икки мамлакат аҳолиси жуда хурсанд. Чунки биз қанчалик тез-тез учрашсак, муносабатларимиз шунчалик яхши бўлади. Машинасозлик, энергетика, электротехника, кимё, енгил саноат, банк иши ва бошқа соҳаларда ҳамкорликда муваффақиятли лойиҳаларимиз бор», – деди Ўзбекистон Президенти.

Эслатиб ўтамиз, икки томонлама музокаралар якунлари бўйича Иттифоқчилик муносабатлари тўғрисидаги декларациядан ташқари, расмий делегациялар аъзолари бир қатор ҳужжатларни имзоладилар.


Калит сўзлар: Марказий Осиё, Халқаро алоқалар, Дипломатия, Ақорда,
Юқорига