Об-ҳаво
Астана -23 °С
Алматы -3 °С
Валюта курси
USD 421.58
EUR 496.83
RUB 5.53
CNY 62.20

Қозоғистон иқтисодиёти аста-секин ўсиш траекториясига кириб бормоқда

13 Октябрь 2020 15:46

NUR-SULTAN. Kazinform – Қозоғистон Бош вазири Асқар Мамин бугун Ҳукумат йиғилишида мамлакатни январ-сентябр ойларида ижтимоий-иқтисодий ривожлантириш якунларини сарҳисоб қилди. Йиғилишда таъкидланганидек, коронавирус эпидемияси билан боғлиқ чеклов чоралари босқичма-босқич олиб ташланганидан кейин иқтисодиётнинг барча тармоқларида ўсиш қайд этила бошланди, дейилади Kazinform мухбири таҳлилида.

Жорий йилнинг дастлабки 8 ойи бутун дунё сингари Қозоғистон иқтисодиёти учун ҳам оғир бўлди. Ялпи ички маҳсулот минус 3% гача пасайди. Бироқ, сентябр ойида мамлакат иқтисодиёти тикланмоқда ва ижобий йўналишда ҳаракат қилмоқда. Хизмат кўрсатиш соҳасидаги кўрсатгичлар қайта тикланди. Ўсиб бораётган тармоқлар сони кўпайиб, иқтисодиёт тикланди. Натижада, операцион маълумотларга кўра, 9 ой давомида ЯИМ ўсиш суръати 0,2 фоизга яхшиланди. Ўсиш қурилиш, ахборот-коммуникация, қишлоқ хўжалиги, ишлаб чиқариш соҳаларида кузатилмоқда. Бироқ, транспорт, савдо, маъмурий хизматлар, кўчмас мулк, турар жой ва озиқ-овқат соҳасида ҳамон пасайиш кузатилаётгани сир эмас.

Умуман олганда, Ҳукумат йиғилишида ушбу масалада маъруза қилган миллий иқтисодиёт вазири Руслан Даленовнинг сўзларига кўра, сентябр ойида аксарият хизматлар ўсиши тиклана бошлади.

«Ўсиш омиллари экспорт, ишлаб чиқариш, ноишлаб чиқариш соҳаларига киритилган инвестициялардир. Шу билан бирга, экспорт 8 ой давомида 31,9 миллиард долларни ташкил этди ва 8,1 миллиард доллар даражасида ижобий тўлов балансини таъминлади. Тайёр ва қайта ишланган маҳсулотлар экспорти ўсди. Жорий йилнинг январ-август ойларида автомобиллар экспорти 5,7 мартага, ферросицилий - 5,4 мартага, кунгабоқар ёғи - 86%, темир сим - 33%, титан қотишмалари - 9,5% ўсди», - деди у.

Вазирнинг сўзларига кўра, саноатнинг ўсиши Қостанай, Ақмола ва Шимолий Қозоғистон вилоятларида, пасайиш эса Қизилўрда, Манғистау, Атирау, Шарқий Қозоғистон вилоятларида, шунингдек, Чимкентда кузатилмоқда.

Қайта ишлаш саноатида маҳсулот ҳажми 3,3 фоизга ошди. Энг юқори ўсиш суръатлари фарматсевтика, тайёр металл буюмлари, машинасозлик, шу жумладан автомобилсозлик ва енгил саноат корхоналарида кузатилди.

Муаллиф: Марлан Жиембай


Юқорига