Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистон дунёнинг барча давлатларини Ядро қуролини тақиқлаш тўғрисидаги шартномага қўшилишга чақиради

22 Январь 2022 11:55

NUR-SULTAN. Кazinform - Ядро қуролини тақиқлаш тўғрисидаги шартнома (ЯҚТТШ, 2022 йил 22 январ) қабул қилинганлигининг бир йиллиги муносабати билан Қозоғистон Республикаси ядро қуролининг ижтимоий ва экологик оқибатларини бошидан кечирган ядровий қуролсизланишнинг фаол тарафдори сифатида дунёнинг барча давлатларини ядровий қуролсиз дунёга эришиш учун ЯҚТТШга қўшилишга чақиради. Бу ҳақда Kazinform ҚР Ташқи ишлар вазирлиги матуот хизматига таяниб хабар беради.

Ядро полигонини ёпган ва ўз ҳудудида дунёдаги тўртинчи йирик ядро қуроли арсеналидан воз кечган биринчи давлат, шунингдек, Марказий Осиёда ядро қуролидан холи ҳудуд яратиш ташаббускорларидан бири бўлган Қозоғистон ЯҚТТШни ишлаб чиқишда фаол иштирок этди. Бугун мамлакат Австрия раислигида Шартноманинг бошқа иштирокчилари билан биргаликда Вена шаҳрида бўлиб ўтадиган ЯҚТТШ иштирокчи-давлатларининг биринчи учрашувига тайёргарлик кўрмоқда. Ушбу иш доирасида Қозоғистон Кирибати билан биргаликда ядро синовларидан сўнг радиациявий ифлосланишга учраган аҳоли ва атроф-муҳитни реабилитация қилиш бўйича чора-тадбирларни назарда тутувчи ЯҚТТШнинг ижобий мажбуриятлари бўйича амалий ҳужжат тайёрлади.

ЯҚТТШнинг қабул қилиниши дунё давлатларининг ядровий таҳдидга қарши аниқ чоралар кўришга тайёрлигини кўрсатувчи муҳим сигналга айланди. Шартнома Ядро қуролларини тарқатмаслик тўғрисидаги шартнома (ЯҚТТШ) режими асосида ва уни қўллаб-қувватлаш учун ишлаб чиқилган.

Яқин вақтгача учта оммавий қирғин қуроли - ядровий, кимёвий ва биологик - фақат ядровий қуролнинг мавжудлиги қонуний равишда тақиқланмаган. ЯҚТТШ халқаро ҳуқуқий соҳадаги ушбу ҳуқуқий бўшлиқни бартараф этиш, ядровий қуролсизланиш жараёнини рағбатлантириш ва инсониятни ядро қуролидан тўлиқ халос қилиш йўлидаги биринчи қадам бўлишга қаратилган.

Маълумот учун: Бугунги кунда дунёнинг 86 та давлати ЯҚТТШни имзолаган ва 59 таси ратификация қилган. Қозоғистон МДҲ ҳудудида Шартномага қўшилган биринчи ва ҳозирча ягона давлатдир.


Юқорига