Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистон биз учун муҳим ҳамкор – ЕИ Европа ташқи ишлар хизмати вакили

24 Январь 2022 18:05

BRUSSELS. Kazinform - Европа ташқи ишлар хизмати етакчи матбуот котиби Петер Стано Қозоғистон ва Европа Иттифоқи ўртасидаги ҳозирги икки томонлама муносабатларга изоҳ берди, деб хабар беради Kazinform мухбири.

«Европа Иттифоқи Қозоғистондаги вазиятни нафақат қайғули январ воқеаларидан кейин, балки умуман кузатиб бормоқда. Чунки Қозоғистон биз учун жуда муҳим ҳамкор. Минтақадаги энг ривожланган давлатлардан бири.

Томонлар ўртасида Кенгайтирилган шериклик ва ҳамкорлик тўғрисидаги битим имзоланди ва у амалда. Европа Иттифоқи эса Қозоғистоннинг энг йирик савдо шериги ҳисобланади. Шу билан бирга, ҳамкорликни ривожлантиришдан икки томонлама манфаатдорлик мавжуд. Ўзаро ҳамкорликни ривожлантириш ва мавжуд имконият ва салоҳиятдан Қозоғистон ва Европа Иттифоқидаги одамлар манфаати учун фойдаланишни истаймиз.

Шу доирада биз Қозоғистонда нималар бўлаётганини кузатиб борамиз. Биз ҳам ҳамкорликни ривожлантириш учун қўлимиздан келганини қиламиз. Шу боис, юртингизда мисли кўрилмаган тартибсизликлар, зўравонликларни кўриб, жуда қайғурдик.

Бунинг ортидан бегуноҳ аҳоли орасида қурбонлар бўлаётганини кўриш ачинарли эди. Шунинг учун биз барча томонларни босиқликка чақириб, барча бегуноҳ инсонлар ҳалок бўлганидан афсусда эканлигимизни билдирдик.

Бу мамлакатда фаровон ва барқарор ҳаёт кечиришга лойиқ инсонлар учун жуда муҳимдир. Айнан шу нарса бизни қизиқтиради – Қозоғистон халқининг фаровонлиги ва барқарорлиги. Чунки у қозоқ халқи манфаатларига жавоб беради, шунингдек, Европа Иттифоқи билан ўзаро ҳамкорликни ривожлантиришга хизмат қилади.

Бу йил ҳам ҳамкорлик ва учрашувларимизни давом эттирмоқчимиз.

Биз одатда ҳар икки томоннинг музокаралар учун энг яхши вақт ва жой ҳақидаги якуний келишувини кутамиз. Афсуски, биз ҳали ҳам COVID-19 пандемиясида яшаяпмиз, бу кўплаб дастурларни шакллантирмоқда ва бизнинг режаларимизга ҳам таъсир қилади.

Мен ҳозир шартларни санаб ўтмаган бўлардим, лекин шериклик ва ҳамкорлигимизни максимал даражада ривожлантиришни давом эттириш қатъийлигини таъкидлайман.

Шу ой бошида рўй берган воқеалардан келиб чиқиб, мисли кўрилмаган зўравонлик сабабларини тўлиқ ўрганиш, шунингдек, тинч намойишчиларнинг ҳибсга олиниши ва ўлими каби барча мумкин бўлган инсон ҳуқуқлари бузилишини текшириш муҳим аҳамиятга эга. Шу боис, бу масалаларни ҳар томонлама ва ошкора ўрганиш, шунингдек, халқаро ҳамжамиятни хабардор қилиш Қозоғистон манфаатларига тўғри келади, деб ўйлайман.

Лекин, айтганимдек, биз Қозоғистон Республикаси билан ҳамкорлигимизни инсон ҳуқуқлари, асосий эркинликлар каби умуминсоний қадриятлар ва тамойиллар асосида, шунингдек, Қозоғистон ўз зиммасига олган мажбуриятлар доирасида ривожлантиришга қарор қилдик.

Умид қиламизки, биз бу ҳамкорликни давом эттира оламиз», - деди Петер Стано.

Муаллиф: Арнур Рахимбеков

Калит сўзлар: Дипломатия, Халқаро алоқалар, Европа,
Юқорига