Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Коронавирус: ШҚО-да мобильді бригадалар саны артты

18 Январь 2022 15:15

ӨСКЕМЕН. ҚазАқпарат – Шығыс Қазақстан облысында COVID-19 инфекциясына шалдыққандарға үйде көмек көрсететін мобильді бригадалар саны артты, деп хабарлайды ҚазАқпарат тілшісі.

«Әлеуметтік медициналық сақтандыру қоры» ШҚО филиалы баспасөз қызметінің мәліметіне сүйенсек, соңғы күндері өңір бойынша коронавирус жұқтырғандардың өскендігі байқалады. Осыған байланысты облыста мобильді бригадалар саны 356-ға дейін ұлғайтылды.

«Пациенттер айналасындағыларға қауіп төндірмеуі және үйде қажетті медициналық көмек алуы үшін мобильді бригадалар құрылған. Олар өз аумағы бойынша қызмет көрсетеді. Жұмыс уақыты – 8.00-ден 20.00-ге дейін. Егер науқас емханада тіркелген мекенжайы бойынша тұрмайтын болса, оған «103» нөміріне хабарласу қажет. 20.00-ден кейінгі қоңырауларға жедел жәрдем дәрігерлері қызмет көрсетеді», - деді филиал басшысы Ғалымжан Әбілов.

Сонымен қатар резервте осындай 120 мобильді бригада бар. Оларды шақыру үшін тұрғындардан ешқандай ақы талап етілмейді. Барлық тиісті қаражат МӘМС қорынан өтеледі.


Юқорига