Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Кореяда екі қазақстандық төбелесіп, біреуі көз жұмды – СІМ

18 Октябрь 2021 17:41

НҰР-СҰЛТАН. ҚазАқпарат – Корея республикасының Чонджоу қаласында екі қазақстандық азамат өзара жанжалдасып, оның салдарынан біреуі мерт болды.

Бұл туралы ҚазАқпарат тілшісіне ҚР Сыртқы істер министрлігінің ресми өкілі Айбек Смадияров мәлім етті.

«2021 жылғы 12 қазанда Чонджу қаласында (Корея Республикасы) Қазақстанның екі азаматы арасында болған тұрмыстық жанжалдың салдарынан біреуі пышақ жарақатын алып, соңынан қайтыс болды. Қазіргі уақытта кісі өлтірді деген күдікті Қазақстан азаматы тұтқындалып, тергеу изоляторына қамалды. Сеулдегі ҚР Елшілігінің консулдық бөлімі марқұмның денесін Қазақстанға жіберу мәселесін шешіп жатыр», - деп мәлім етті Айбек Смадияров.

Оның айтуынша, аталған қазақстандық азаматтар Оңтүстік Кореяда заңсыз жұмыс істеп жүрген.


Муаллиф Әли Ибраев
Калит сўзлар: ҚР СІМ, Оқиға,
Юқорига