Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Корея Қозоғистоннинг яқин дусти сифатида COVID-19 тугагунга қадар бирга бўлади – КР Элчиси

28 Октябрь 2021 09:41

NUR-SULTAN. Корея Республикасининг Қозоғистондаги Элчихонаси CОVID-19 га қарши курашиш учун KOICA битирувчилари уюшмасидан хайрия ёрдамини кўрсатди, деб хабар беради Kazinform.

Маросимда Корея Республикасининг Қозоғистон Республикасидаги Фавқулодда ва Мухтор Элчиси Ку Хонг-сок, Мажилис депутати Ирина Смирнова, Корея университетларининг Қозоғистонлик битирувчилари уюшмаси президенти Гулдана Тилегеновқизи Садиқова ва бошқа битирувчилар иштирок этди.

Элчи Ку Хонг-сок ва КОICA битирувчилари уюшмаси эпидемиологларга 1 700 000 тенге (4 000 доллар)лик ноутбук ва планшетларни совға қилди. Ушбу ёрдам эпидемиологик гуруҳнинг бутун Қозоғистон бўйлаб жойлашган бўлимларига кўрсатилади.

«Эпидемиологлар, тиббиёт ходимлари ва кўнгиллилар жамоаси билан биргаликда CОVID-19 инқирозини енгиб ўтишда асосий рол ўйнаган қаҳрамонлар деб ҳисоблаш мумкин. Сўнгги пайтларда Қозоғистонда вирусни юқтирганлар сони камайиб бормоқда, бунинг учун мен меҳнаткаш тиббиёт ходимларига миннатдорчилик билдираман. Бу сафар Элчихонадаги ноутбуклар каби аксессуарлар ҳозирда бутун республика бўйлаб олиб борилаётган эмлаш кампаниясини самарали бошқаришга ҳисса қўшади, деган умиддаман. Кореяда аҳолининг 70 фоиздан ортиғи эмланган ва одамлар юқумли касалликлар билан яшаб, кундалик ҳаётига қайтаётган «with Corona» даври бошланди. Бу ойда Элчихона кундалик ҳаётга қайтиш учун Нур Султан ва Алмати шаҳарларида Кореянинг миллий байрами ва Корея маданияти фестивалини офлайн режимда ўтказишни таклиф қилмоқда. Корея Қозоғистоннинг энг яқин дўсти сифатида CОVID-19 нинг охиригача бирга қолади», - деди Элчи Ку Хонг-сок.

Ўз навбатида, Мажилис депутати Ирина Смирнова Корея оғир даврда Қозоғистонга инсонпарварлик ёрдами ва маънавий ёрдам кўрсатганини таъкидлаб, қозоғистонлик шифокорларга CОVID-19 га қарши курашда кўрсатган ёрдамлари учун миннатдорчилик билдирди.

«Элчихона кўмагида КОICA битирувчилари уюшмаси бу йил иккинчи марта хайрия ёрдамини кўрсатмоқда. Бу буюмлар Нур-Султан ва Алмати шаҳарлари, Алмати, Ақмола ва Қарағанди вилоятларидаги эпидемиологларга етказилади», — деди КОICA битирувчилари уюшмаси президенти Гулдана Садиқова.

Калит сўзлар: Тиббиёт,
Юқорига