Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қазақстан 4,25 млн тонна астықты экспортқа шығарады

24 Январь 2022 12:06

НҰР-СҰЛТАН. ҚазАқпарат – Ағымдағы маусымның соңына дейін Қазақстан 4,25 млн тонна астықты экспортқа шығарады. Бұл туралы Қазақстанның астық одағынан мәлім етті, деп хабарлайды ҚазАқпарат тілшісі.

«Қазақстан астық одағы 2022 жылдың 1 қаңтарындағы жағдай бойынша астықтың бастапқы қорын 8,3 млн тонна мөлшерінде бағалайды. Ресейден 1,4 млн тонна импортты (2022 жылдың 1 қыркүйегіне дейін) ескергенде астықтың жалпы ұсынымы 9,7 млн тоннаны құрайды. Ағымдағы маусымның соңына дейінгі ішкі тұтыну көлемі – 3,9 млн тонна. Оның ішінде нан пісіру үшін 0,46 млн тонна бидай қажет. Ал қалған 3,5 млн тонна бидай мал азығына, ұн және макарон өнімдерін өндіруге жұмсалады», - делінген аталған одақ таратқан мәліметте.

Одақ ақпаратына сәйкес, ағымдағы маусымның соңына дейін 4,25 млн тонна бидай мен астық баламасындағы ұн экспортталады. Оның 3 млн тоннасын бидай және нақты салмақтағы 0,9 млн тонна ұн құрайды. Қорытындысында ағымдағы маусымның соңына дейінгі жалпы сұраныс көлемі – 8,2 млн тонна. Жаңа маусымға өтетін бидай қоры шамамен 1,5 млн тоннаға тең және бұл соңғы 4 маусымдағы ең жоғары көрсеткіш.

Ішкі нарықтағы астықтың 1 тоннасының бағасы 115-118 мың теңгені құрап отыр. Бұл ретте Ресейден импортталатын астықтың 1 тоннасы 116 мың теңгені құрайды.


Юқорига