Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Исроил икки Форс кўрфази давлатининг эмлаш сертификатларини тан олди

27 Октябрь 2021 09:31

NUR-SULTAN. Kazinform- COVID-19 тарқалишининг олдини олиш бўйича идоралараро комиссияси матбуот хизмати турли мамлакатлардаги коронавирус пандемияси билан боғлиқ вазият шарҳини эълон қилди, деб хабар беради Kazinform.

Бирлашган Aраб Aмирликлари ва Баҳрайн Қироллигида эмланиб, Ўлик денгизга саёҳат қилиш мумкин. Исроил Форс кўрфазидаги икки давлатнинг эмлаш сертификатларини тан олди. Соғлиқни сақлаш вазири Ницан Хоровиц Исроил, БAA ва Баҳрайн ўртасида «яшил даҳлиз» ҳақидаги келишувни имзолади. БAAда аҳолининг 86,9 фоизи, Баҳрайнда эса 66 фоизи тўлиқ эмланган. Бу мамлакатлар нафақат ЖССТ томонидан тасдиқланган коронавирусга қарши дори воситаларидан, балки Россиянинг «Спутник V» вакцинасидан ҳам фойдаланади.

Ўзбекистон Ҳукумати Россияга эмлаш сертификатларини ўзаро тан олишни таклиф қилишга тайёрланмоқда. Расмийлар ўз таклифларини ноябр ойи ўрталаригача эълон қилишга тайёр. Ушбу ҳужжат, Россия Федерацияси, шунингдек, МДҲ ва узоқ хорижда эмлаш сертификатларини тан олишни ўз ичига олади. «Бундан ташқари, бу давлатлар, хусусан, Россия Федерацияси сертификатларни тан олиш бўйича ушбу таклифга қандай муносабатда бўлишига боғлиқ», — деди Санитария-эпидемиология осойишталиги ва аҳоли саломатлигини муҳофаза қилиш хизмати раҳбари Баҳодир Юсупалиев.

Хитойнинг шимоли-ғарбий қисмидаги Ланчжоу шаҳри CОVID-19 бошланганидан бери карантинга олинган. Осиё матбуотига кўра, фавқулодда вазиятлардан ташқари 4 миллион шаҳар аҳолисига уйларини тарк этиш тақиқланади. Чекловлар Хитойда инфекциянинг 29 та янги ҳолати аниқланганидан кейин киритилган, улардан олтитаси Ланчжоуда қайд этилган.

Латвия Соғлиқни сақлаш вазирлиги сафарбарлик эълон қилиш учун ҳукуматга мурожаат қилмоқчи. Сафарбарлик деганда давлатга таҳдиднинг олдини олиш ёки бартараф этиш учун ҳарбий ёки фуқаролик мудофааси тадбирларини режалаштириш ва тайёрлаш тушунилади. Сафарбарлик тартиби 2 ноябр куни эълон қилиниши кутилмоқда.

Ўтган сутка давомида Болгарияда 5863 та янги коронавирус инфекцияси ҳолати аниқланди. Бу пандемия бошланганидан бери бир кун ичида рекорд даражадаги ўсишдир. Бундан ташқари, Украинада кунига энг кўп коронавирус ўлими қайд этилган - 734 та ҳолат.


Калит сўзлар: Дунё, Вакцина, Тиббиёт,
Юқорига