Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Грузияда жамоат транспорти уч ҳафта ишламайди

13 Август 2021 11:06

TBILISI. Kazinform - Коронавирус инфекцияси ҳолатларининг кўпайиши муносабати билан Грузияда жамоат транспорти уч ҳафта, яъни 14 августдан 4 сентябргача чекланади. Тегишли қарор бугун COVID-19 билан курашиш бўйича идоралараро мувофиқлаштирувчи кенгаш томонидан қабул қилинди, дея хабар беради Kazinform Novosti-Georgiaга таяниб.

«Жамоат транспортининг ҳаракати чекланган бўлади. Чеклов шаҳарлараро транспортга тааллуқли эмас «, - деди мувофиқлаштирувчи кенгашнинг оператив штаби раҳбари Георгий Гибрадзе брифингда.

Жамоат транспорти ҳаракати чекланиши эмлаш жараёнига халақит бермайди, давлат аҳолини асосий эмлаш муассасаларига мунтазам ташишни таъминлашга ваъда беради.

Грузия ҳозирда коронавируснинг тўртинчи тўлқини чўққисида. Фақат охирги 24 соат ичида 5128 та янги инфекция юқтириш ҳолати аниқланди. Расмийлар бугун касаллик тарқалишини секинлаштириш учун янги чекловларни эълон қилишди. Жамоат транспортини тўхтатишдан ташқари, мамлакатда 14 августдан 4 сентябргача кафе ва ресторанларнинг иш вақти қисқартирилади, фестиваллар, концертлар ва спорт мусобақалари тақиқланади. Иш берувчиларга ходимларни масофадан ишлашга ўтказиш тўғрисида кўрсатма берилган.

Грузияда пандемия бошланганидан буён 466,3 мингдан ортиқ инфекция ҳолатлари қайд этилган, 6,279 киши вафот этган. 12 августга қадар коронавирусга қарши вакцинанинг биринчи компоненти билан эмланган фуқаролар сони 715,919 тага етди, бу кўрсаткич Грузия умумий аҳолисининг 19 фоизидан ошади.


Калит сўзлар: Хориж, Транспорт, Тиббиёт,
Юқорига