Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Футзалдан Чемпиондар лигасы: «Қайрат» екінші мәрте тең түсті

28 Октябрь 2021 23:32

НҰР-СҰЛТАН. ҚазАқпарат - Бүгін футзалдан UEFA Чемпиондар лигасы негізгі сатысында «Қайрат» және «Атырау» екінші ойындарын өткізді, деп хабарлайды ҚазАқпарат тілшісі.

«Қайрат» Ресейдің «Тюмень» командасымен шеберлік байқасты. Бірінші кезеңнен кейін қазақстандық клуб 1:3 есебімен жеңіліп жатқан еді.

Екінші кезеңде олар таразы басын теңестірді. Бұдан кейін командалардың есепті өзгертетін мүмкіндігі болған еді. Дегенмен қарсыластар 3:3 есебіне қанағат білдірді.

Тағы бір ойында «Атырау» Португалияның «Спортинг» клубына 1:8 есебімен жол берді.

Айта кетсек, «Қайрат» төртінші топта сынға түседі. Қарсыластары - Чехияның «Пльзень», Ресейдің «Тюмень» және Италияның «Пезаро» командалары.

Ал «Атырау» екінші топта Словенияның «Добовец», Португалияның «Спортинг» және Францияның «Аньер Вильнев 92» командалармен бақ сынайды.

Алғашқы ойында «Қайрат» Чехияның «Пльзень» командасымен 3:3 есебімен тең түссе, «Атырау» Словенияның «Добовеціне» 1:2 есебімен жол берді.

Енді 30 қазанда «Қайрат» Италияның «Пезаро», «Атырау» Францияның «Аньер Вильнев 92» командасымен бақ сынайды.


Муаллиф Әділжан Үмбет
Калит сўзлар: Қоғам, Спорт,
Юқорига