Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Давлат раҳбари Россия Федерацияси Президенти билан телефон орқали мулоқот қилди

20 Сентябрь 2021 21:55

NUR-SULTAN. Kazinform – Қозоғистон Президенти Қасим-Жомарт Тоқаев Россия Федерацияси Президенти Владимир Путин билан телефон орқали мулоқот қилди, деб хабар беради Kazinform Ақорда матбуот хизматига асосланиб.

Қасим-Жомарт Тоқаев Владимир Путинни Давлат Думасининг Федерал Мажлисининг VIII чақириққа сайлов кампаниясини муваффақиятли ўтказилгани билан табриклади. Қозоғистон Президентининг фикрича, сайлов натижалари Россиянинг ички сиёсий барқарорлигини мустаҳкамлашда жуда муҳим.

Шунингдек, Қасим-Жомарт Тоқаев Пермь давлат миллий тадқиқот университетида содир бўлган қонли воқеа муносабати билан ҳамдардлик билдирди.

Суҳбат чоғида икки давлат раҳбарлари Қозоғистон ва Россия ўртасидаги савдо-иқтисодий алоқаларнинг жадал ривожланишига юқори баҳо бериб, Кўкшетауда 30 сентябрда бўлиб ўтадиган Ҳудудлараро ҳамкорлик форумининг аҳамияти ва унинг мазмуни ва сифатини таъкидладилар.

Қозоғистон ва Россия раҳбарлари 16-17 сентябр кунлари Душанбеда ўтган КҲШТ ва ШҲТ саммитлари давомида эришилган келишувларни амалга ошириш бўйича саъй-ҳаракатларни мувофиқлаштиришга тайёр эканликларини тасдиқладилар.


Калит сўзлар: Халқаро алоқалар, Дипломатия,
Юқорига