Об-ҳаво
Астана 0 °С
Алматы 3 °С
Валюта курси
USD 421.58
EUR 496.83
RUB 5.53
CNY 62.20

Атирау вилоят касалхонасида кислород цехи қурилмоқда

12 Август 2020 17:45

ATYRAÝ. Kazinform – Цех қурилиши шу йил сентябрь ойи охирида якунланади, дея хабар беради Kazinform мухбири Атырау вилояти соғлиқни сақлаш бошқармаси матбуот хизматига таяниб.

Атирау вилояти соғлиқни сақлаш бошқармаси бошлиғи Нурлибек Қабдиқапаровнинг сўзларига кўра, кейинчалик Атирау вилоят кардиология маркази ва №2 сонли вилоят касалхонасида кислород цехини қуриш режалаштирилган.

«Аввало, биз қанча беморни таъминлай оламиз ва уларнинг ҳар бири учун қулай ва арзон бўлиши ҳақида ўйлаймиз. Махамбет туманидаги 100 ўринли юқумли касалликлар шифохонасида 12 та кислород пункти ишлаб турибди ва келажакда уларнинг сонини кўпайтиришни режалаштирмоқдамиз. Бундан ташқари, Қурманғазидаги марказий касалхонада қурилаётган янги касалхона кислород тизимига тўлиқ уланади. Кейин Қизилқоғада, Мақатда ва бошқа туманларда кислород тармоғини қуришни режалаштирмоқдамиз», - деди Нурлибек Қабдиқапаров, Атирау вилояти соғлиқни сақлаш бошқармаси бошлиғи.

Атирау вилоят касалхонасининг бош шифокори Ербол Иманғалиевнинг сўзларига кўра, кислород цехи ишга тушса, кислород баллонларини ташишга ҳожат йўқ.

«Илгари вилоят касалхонасида 60 кислород пункти бор эди. Аммо сўнгги ойларда, эпидемиологик вазият ёмонлашганда, тақчиллик сезилди. Қурилаётган кислород цехи касалхонани 300 кислород пункти билан таъминлайди. Янги касалхона биносида 260 та кислород пункти ўрнатилади. Цехнинг ўзида кислород ишлаб чиқарилади ва кислород баллонларига эҳтиёж қолмайди», - деди Ербол Иманғалиев.

Муаллиф: Виктор Сутягин

Калит сўзлар: Тиббиёт,
Юқорига