Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Astana Open: Анна Данилина тартысты матчта есе жіберді

28 Сентябрь 2021 16:03

НҰР-СҰЛТАН. ҚазАқпарат - Қазақстандық Анна Данилина Astana Open WTA 250 турнирінің екінші айналымына шыға алмады, деп хабарлайды ҚазАқпарат тілшісі.

Дүниежүзілік рейтингте 287-орында тұрған қазақстандық теннисші алғашқы айналымда әлемнің 62-інші, осы жарыстың 3-ракеткасы, франциялық Кристина Младеновичпен шеберлік байқасты.

Бірінші партияда Младенович басымдылық танытты - 6:4.

Екіншісінде Данилина тай-брейкте сәттірек ойнады - 7:6 (7:5).

Үшінші, шешуші партияда жеңіс франциялық спортшының қанжығасында кетті - 6:4.

Үш сағатқа жуық уақытқа созылған тартысты матчта Данилина 2 эйс жасап, 16 брейк-пойнтттың тоғызын пайдаланды. Қарсыласы 11 брейкке (16 брейк-пойнт) қол жеткізді.

Осылайша А.Данилина жекелей сында жарыс жолынан шығып қалды. Дегенмен ол жұптық сында доданы жалғастырады.

Еске сала кетейік, бұдан бұрын Анна Данилинаның Astana Open турнирін жеңіспен бастағанын жазған болатынбыз.



Муаллиф Елжан Ералы
Калит сўзлар: Спорт,
Юқорига