Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Сауда орталығындағы субұрқаққа секірген елордалық ұсталды

5 Декабрь 2021 16:53

НҰР-СҰЛТАН. ҚазАқпарат – Елордадағы сауда ойын-сауық орталықтарының бірінде достарымен бәстесіп, субұрқаққа секірген 19 жастағы жігіт ұсталды, деп хабарлайды ҚазАқпарат тілшісі.

«Полицияның «102» арнасына «Mega SilkWay» сауда ойын-сауық орталығының субұрқағына екінші қабаттан жас жігіттің секіргені туралы хабарлама түсті. Елорданың 19 жастағы тұрғыны достарымен бәстесіп, 1 қабатта орналасқан субұрқаққа секірген. Қауіпті әрекетке орталық келушілері куә болған. Жас жігітті сауда ойын-сауық орталығының күзетшілері ұстап, полиция қызметкеріне тапсырды. Қоғамдық тәртіпті бұзушы Есіл аудандық полиция бөліміне жеткізілді», - делінген Нұр-Сұлтан қалалық полиция департаментінің ақпаратында.


Құқық бұзушының үстінен ҚР Әкімшілік құқық бұзушылық туралы кодекстің 434-бабымен әкімшілік іс қозғалды. Мамандандырылған ауданаралық әкімшілік сотының шешімімен ол қамауға алынды. Ұсталған жігіт бұған дейін Алматы метросында музыка дауысын қатты қойып, кішігірім бұзақылық жасаған үшін жауапкершілікке тартылған.


Муаллиф Марлан Жиембай
Калит сўзлар: Видео, ҚР ІІМ, Оқиға, Қылмыспен күрес, Нұр-Сұлтан,
Юқорига