Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Қозоғистонда парламент сайлови якунланди

10 Январь 2021 21:47

NUR-SULTAN. Kazinform – Қозоғистонда парламент Мажилиси ва маҳаллий маслихатлар депутатлари сайлови якунланди, деб хабар беради Kazinform мухбири.

Қозоғистон Марказий сайлов комиссиясининг маълумотларига кўра, мамлакатнинг 12 вилоятида сайлов участкалари Нур-Султан вақти билан соат 20:00да, 5 та ҳудудда эса соат 21:00да ёпилган. Шундай қилиб, навбатдаги сайлов кампанияси муносабати билан очилган 12 та вилоятдаги 8141 та ва 5 та ҳудуддаги 1853 та сайлов участкалари ўз ишини якунлади.

Бундан ташқари, сайловчилар Қозоғистоннинг 53 та хорижий давлатдаги ваколатхоналарида очилган 66 та сайлов участкасининг 10 тасида овоз беришди. Айни пайтда бошқа мамлакатларда овоз бериш ҳамон давом этмоқда. АҚШ ва Канададаги Қозоғистон фуқаролари 11 январ куни Нур-Султан вақти билан соат 07:00да овоз беришни тўхтатадилар.

Таъкидлаш жоизки, вилоятлар, республикага бўйсунувчи шаҳарлар ва пойтахт сайлов комиссиялари томонидан тақдим этилган маълумотларга кўра, соат 20:00га қадар рўйхатдаги жами сайловчиларнинг 63,1 фоизи овоз беришган.


Муаллиф: Марлан Жиембай

Калит сўзлар: Партиялар, Сайлов-2021,
Юқорига