Об-ҳаво
Астана 15 °С
Алматы 13 °С
Валюта курси
USD 405.69
EUR 455.51
RUB 5.72
CNY 57.42

Туркистонлик тадбиркор коронавирусга қарши курашга 10 млн танга ажратди

27 Март 2020 12:17

TÚRKİSTAN. Kazinform - Туркистонлик ишбилармон коронавирусга қарши кураш учун 10 миллион танга маблағ ажратди, деб хабар беради Kazinform Nur Otan партияси вилоят бўлими матбуот хизматига таяниб.

«Афсуски, бугунги кунда дунё ҳамжамиятини ташвишга солаётган коронавирус Қозоғистонга ҳам етиб келди. Президент Қасим-Жомарт Тоқаев фавқулодда вазият эълон қилди ва эпидемияга қарши курашни кучайтиришни буюрди. Давлат томонидан тегишли ишлар амалга оширилмоқда. Ушбу қийин дамларда юртимизнинг ватанпарвар фуқаролари халққа ёрдам бермоқдалар. Улардан бири - Сирим Ертаев. «Қайип ота» МЧЖ директори Елбасы мурожаатини қўллаб-қувватлади ва «Биз биргамиз!» акцияси доирасида махсус жамғармага ўз маблағлари ҳисобидан 10 миллион танга ўтказди», - дейилади хабарда.






Таниқли бизнесмен Nur Otan партиясининг аъзоси. У аллақачон бир неча оила учун уйлар қурган ва хайрия ишлари билан танилган.

«Мен жиддий эпидемия билан курашаётган бир пайтда бутун мамлакатга ёрдам беришни ўзимнинг фуқаролик ва фарзандлик бурчим деб биламан. Елбасы Нурсултон Назарбоев ўз нутқида тадбиркорлар учун муҳим масалаларга тўхталди. Президент Қасим-Жомарт Кемелевич: «Агар ҳар биримиз ўз мажбуриятларимизни масъулият билан бажарсак, бу вазиятдан имкон қадар тезроқ халос бўламиз» деди. Шунинг учун ҳар бир фуқаро фавқулодда вазият қоидаларига амал қилиши ва мансабдор шахслар ва шифокорларнинг огоҳлантиришларига амал қилиши керак. Биргаликда биз ушбу қийинчиликни енгамиз», - дейди Сирим Ертаев.

Калит сўзлар: Ҳайрия,
Юқорига