Об-ҳаво
Астана -20 °С
Алматы -9 °С
Валюта курси
USD 421.58
EUR 496.83
RUB 5.53
CNY 62.20

Apple махсус дастур яратган қозоғистонлик ўқувчини тақдирлади

10 Август 2020 15:32

ATYRAÝ. Kazinform – Атирау шаҳридаги Назарбоев интеллектуал мактаби ўқувчиси дўмбира чалишни ўргатадиган дастур яратиб, Apple компаниясининг дипломига сазовор бўлди, деб хабар беради Kazinform.

Асқар Алмухаметов бу йил Назарбоев интеллектуал мактабининг 10-синфига ўтади. У дўмбира чалишни ўргатадиган симулятор яратди ва уни Apple компанияси томонидан ўтказилган танловга юборди.

«Машҳур Стив Джобс томонидан асос солинган Apple компанияси ҳар йили ёшларни дастурий таъминотни ишлаб чиқишга ундаш учун инновацион лойиҳалар танловини ўтказади. Танлов шартларига кўра, энг яхши ишлар танланади. Шундан сўнг, компания вакиллари лойиҳа муаллифлари билан боғланадилар. Мен ушбу танловга дўмбира чалишни ўргатадиган симуляторни тақдим этдим. Симулятор Swift дастури ёрдамида яратилган», - дейди Асқар Алмухаметов.






Асқар Алмухаметов – миллий ва халқаро миқёсдаги стартап мусобақалари ғолиби. Аввалроқ у болалар учун «Qulynym» мобиль иловасини яратган.

Келгусида Назарбоев интеллектуал мактаби ўқувчиси IT-маҳорати орқали миллий технологияларни модернизация қилишни режалаштирмоқда.

Муаллиф: Бек Мустафа
Калит сўзлар: Технологиялар, Истеъдодли ёшлар,
Юқорига