Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Алматыдағы тәртіпсіздік кезінде лаңкестер арасында снайпер болды - ПД бастығы

16 Январь 2022 21:30

НҰР-СҰЛТАН. ҚазАқпарат – Алматыдағы тәртіпсіздік кезінде лаңкестер арасында снайпер болды. Бұл туралы бүгін Орталық коммуникациялар қызметінде Алматы қалалық Полиция департаментінің бастығы Қанат Таймерденов мәлім етті, деп хабарлайды ҚазАқпарат тілшісі.

«Лаңкестердің арасында Полиция департаментінің ғимаратының жанында көпқабатты үйдің төбесінде ғимартқа оқ атқан снайпер де болды. Ғимартқа оқ атылды, жанатын ұнтағы бар бөтелкелер лақтырылды», - деді Қанат Таймерденов.

Оның айтуынша, Полиция департаментінің ғимаратын басып алуға лаңкестер 27 рет әрекет жасады.

Бұдан бұрын хабарланғандай, 5 қаңтар күні таңертең Алматыда қала орталығына бір мезгілде 20 мың адам жиналды.

Одан кейін Республика алаңына жиналған мыңдаған шабуылшылар әкімдік ғимаратын басып алуға тағы да әрекеттенген.

Полиция департаментінің басшысы Алматыда лаңкестер 1347 қару ұрлағанын айтты.

Муаллиф Руслан Ғаббасов
Калит сўзлар: ҚР ІІМ, Қоғам, Алматы трагедиясы, Алматы,
Юқорига