Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Александр Бублик Ролан Гаррос турнирін жеңіспен бастады

24 Май 2022 18:30

НҰР-СҰЛТАН. ҚазАқпарат - Қазақстанның бірінші, әлемнің 42-ракеткасы Александр Бублик Ролан Гаррос турнирін жеңіспен бастады, деп хабарлайды ҚазАқпарат тілшісі.

Қазақстандық теннисші алғашқы айналымда дүниежүзілік рейтингте 68-орында тұрған франциялық Артур Риндеркнехпен шеберлік байқасты.

Бұған дейін қарсыластар өзара екі рет кездесіп, екеуінде де франциялық спортшы жеңген еді.

Бұл жолы Александр Бублик 6:2, 6:4, 6:4 есебімен жеңіске жетті.

Екі сағатқа жуық уақытқа созылған матчта А.Бублик 16 эйс жасап, 9 брейк-пойнттың төртеуін пайдалана білді. Қарсыласы 4 эйспен ғана көзге түсті.

Қазақтандық теннисші екінші айналымда әлемнің 31-ракеткасы, сербиялық Миомир Кецмановичпен ойнайды. Биыл Мадрид мастерс турнирінде Бублик дәл осы теннисшіден жеңіліп қалған еді.

Еске сала кетейік, бұдан бұрын Ролан Гаррос турнирінде қазақстандық теннисшілердің алғашқы кездесулерін өткізетінін, Ярослава Шведованың Уимблдонда өнер көрсететінін жазған болатынбыз.


Муаллиф Елжан Ералы
Калит сўзлар: Теннис, Спорт,
Юқорига