Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Ақтөбеде полиция қызметкерлерінің кабинетіне бейнекамера орнатылады

23 Октябрь 2021 20:48

АҚТӨБЕ. ҚазАқпарат - 1 желтоқсанға дейін Ақтөбедегі полиция қызметкерлерінің кабинетіне бейнекамера орнатылады, деп хабарлайды ҚазАқпарат тілшісі.

Ішкі істер министрінің орынбасары Сәкен Сәрсенов Ақтөбеде Президенттің қауіпсіздікті қамтамасыз ету саласындағы цифрландыру жөніндегі тапсырмаларының іске асырылуын зерттеді. Жұмыс сапары аясында ҚР ІІМ орынбасары Сәкен Сәрсенов облыстық білім беру ұйымдары орталығында (мектептер, балабақшалар, арнаулы орта оқу орны, ЖОО) бейнебақылау жүйесінің енгізілуімен танысты.
С.Сәрсенов жаппай бейнебақылау жүйесін енгізу барысын, полиция қызметкерлерінің көмегімен Жедел басқару орталығын жаңғыртуды (ашық платформаға көшу), «Азаматтардың хабарламаларын біржақты қабылдау» жобасын іске асыруды, полиция нарядтарының геодеректерін GPS трекерлерінен электрондық картаға ауыстыруды зерттеп, көлік ағынын бақылау жүйесімен танысты.
Ішкі істер министрінің орынбасары Ақтөбе облысының әкімімен кездесті. Кездесуде Мемлекет басшысының қылмыстық істерді тергеп-тексеруді электрондық форматқа көшіру, сондай-ақ халықпен өзара іс-қимыл жасайтын тергеушілердің, жедел уәкілдердің және ішкі істер органдарының басқа да қызметкерлерінің кабинеттерінде бейнебақылау камераларын орнату жөніндегі тапсырмаларының өңірде іске асырылу барысы талқыланды.
«Әкімдік тарапынан қажетті материалдық қолдау көрсетілді. 1-желтоқсаннан бастап барлық кабинеттерде камералар болады деп ойлаймын», - деп атап өтті Сәкен Сәрсенов.
Одан әрі №23 және №64 жалпы білім беретін мектептердегі қауіпсіздіктің техникалық қамтамасыздандыру жағдайымен танысты, «Құлагер» балабақшасына және Ақтөбе политехникалық колледжіне барды, ұйымдардағы штаттан тыс жағдайлар кезіндегі іс-қимыл тәртібін бағалады.
Сапар соңында Ішкі істер министрінің орынбасары Сәкен Сәрсенов Алға және Хромтау ауданы полиция бөлімдерінің жабдықталуымен және ішкі істер органдарының қызметкерлері пайдаланатын техникалық құралдармен танысты.

Юқорига