Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Ақтөбе облысында оқушыларға арналған жазғы мектептер ашылады

7 Май 2021 21:52

АҚТӨБЕ. ҚазАқпарат - Ақтөбелік оқушылар жазда мектепке барып, сабақ оқи алады, деп хабарлайды ҚазАқпарат тілшісі.

Ақтөбе облысы бойынша оқушылардың аралас форматта білім алуына рұқсат берілді . Енді жазғы мектептер жұмысын бастайды.

Шектеу шаралары кезінде оқушылар онлайн білім алып, кейбір тақырыпты жеткілікті меңгермеген болуы мүмкін. Олқылықтың орнын толтыру, пәндер бойынша өткен материалды сапалы меңгерту мақсатында өңірдегі барлық білім ұйымында 26 мамыр мен 19 маусым аралығында жазғы мектептердің ашылады.

Жазғы мектепке оқушылар ата-аналардың өтініші негізінде қабылданады.

Оқу тегін және ешқандай қосымша шығынды қажет етпейді.

Мектеп формасын сақтау талап етілмейді. Жазғы мектепке тартылған мұғалімдердің кезекті еңбек демалысы 19 маусымнан кейін беріледі.

Жалақылары осы оқу жылында бекітілген оқу жүктемесі негізінде төленеді.

«Мектептерде санитариялық-эпидемиологиялық талаптар (кіре берісте қызу өлшеунеді, маска тағу міндетті, қолды жиі жуу, ғимаратты, оқу бөлмелерін ылғалды жинау, желдету, кварцтау) толық сақталады, көпшілік шаралар ұйымдастырылмайды»,- деп хабарлады облыстық білім басқармасының басшысы Жолдас Батырхан.


Муаллиф Алтынай Сағындықова
Калит сўзлар: Білім, Ақтөбе облысы, Карантин, Қауіпсіздік,
Юқорига