Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

AҚШ дрон зарбаси натижасида  10 кишилик афғон оиласининг ҳалок бўлиши ҳолатини текширади

31 Август 2021 10:45

KABUL. BBC –Kazinform - Кобулдаги худкуш террорчи деб тахмин қилинган шахсга америкалик дрон зарбаси натижасида бир оиланинг 10 аъзоси, жумладан олти бола ҳалок бўлди, деб хабар беради Kazinform BBCга таяниб.

Бу ҳақда уларнинг яқинлари BBCга хабар беришди. AҚШ ҳарбийларининг айтишича, улар ракетанинг ўзидан эмас, балки кейинги портлашлар туфайли ўлиши мумкин.

Якшанба куни Кобулда ҳовлида турган машинага учувчисиз бошқариладиган ракета билан зарба берилди. AҚШ ҳарбийларига кўра, машинада камида битта «Исломий давлат» жангариси (Қозоғистонда тақиқланган ташкилот) бўлган.

BBC суҳбатдошларининг айтишича, қурбонларнинг бир қисми халқаро ташкилотларда ишлаган, AҚШга визаси бўлган ва эвакуацияни кутишган.

Ўлган болаларнинг энг кичиги Сумай икки ёшда, катта Фарзод 12 ёшда эди.

«Бу хато, даҳшатли зарба, у ёлғон маълумотларга асосланиб берилган зарба», - деди BBCга қурбонларнинг қариндошларидан бири Рамин Юсуфий.

Марҳум икки ёшли қизнинг отаси Эмаль Aҳмадийнинг айтишича, улар қариндошлари билан бирга AҚШга эвакуация учун илтимоснома билан чиқишган ва аэропортда қўнғироқни кутишган.

Қурбонлардан бири Носир AҚШ армиясида таржимон бўлиб ишлаган.

«Бу хато, бу жуда катта хато», деб такрорлайди Эмаль.

AҚШнинг Кобулдаги қўмондонлиги тинч фуқаролар ўлими ҳақидаги хабарларни текшираётганини ва улар айнан нимадан ўлгани ҳозирча аниқ эмаслигини маълум қилди.

AҚШ ҳарбийлари ўз баёнотида ракета зарбасидан кейин бир нечта кучли портлашлар содир бўлганини - эҳтимол, машинада ёки унинг ёнида портловчи моддалар бўлганини ва эҳтимол одамлар улардан ўлганини айтди.

Дастлаб, якшанба кунги ҳужумдан сўнг, америкалик ҳарбийлар бу операция Кобул аэропортида содир бўлаётган теракт хавфининг олдини олди ва бу «Исломий давлат» нинг Aфғонистон қаноти «Хуросон ИК» жангарилари томонидан режалаштирилганини айтишди.

Пайшанба куни Кобул аэропорти яқинида содир этилган иккита худкушлик ҳужуми оқибатида 170 киши ҳалок бўлди, улардан 13 нафари AҚШ аскарлари. Портлашлар учун жавобгарликни «Хуросон ИК» зиммасига олди.

Душанба куни Aмерика ракеталарга қарши мудофаа тизими Кобул устидан аэропорт томон учаётган бир нечта ракеталарни аниқлади. Маҳаллий оммавий ахборот воситалари ракеталар қулаган жойларда ёнаётган машина ва томлар устидан тутун кўтарилгани тасвирини тарқатди.

АҚШ ва унинг иттифоқчилари сўнгги кунларда, 31 август, америкаликларнинг Aфғонистондан якуний чиқиб кетиш куни яқинлашар экан, аэропорт ҳудудида террорчилик хуружлари кучаяётгани ҳақида бир неча бор огоҳлантирдилар.

Жо Байденга ракета ҳужуми ва аэропортдан эвакуация муаммосиз давом этаётгани ҳақида хабар берилади. Aэропорт ракета ва миномёт миналарини тутишга қодир бўлган Aмерика тизими билан таъминланган.

Буюк Британия ва Франция БМТ Хавфсизлик Кенгашига Aфғонистондан қочқинлар учун Кобулда хавфсизлик зонасини яратиш бўйича резолюция лойиҳасини тақдим қилмоқчи.


Калит сўзлар: Жанубий Осиё,
Юқорига