Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Аҳолининг даромадларини ошириш дастури ишлаб чиқилади – ҚР Миллий иқтисодиёт вазири

12 Январь 2022 09:45

NUR-SULTAN. Кazinform - Аҳолининг даромадларини ошириш дастури ишлаб чиқилади. Бу ҳақда Ҳукумат йиғилишида Қозоғистон Миллий иқтисодиёт вазири Алибек Қуантиров маълум қилди, дея хабар беради Kazinform мухбири.

Унга кўра, аҳоли даромадларини ошириш дастурини шакллантириш мақсадида давлат органларига инфляцияни жиловлаш, аҳоли бандлигини таъминлаш, айрим тоифадаги фуқароларнинг иш ҳақини ошириш ва бошқа чора-тадбирларни ишлаб чиқиш тавсия этилади.

«Тадбиркорлик фаолияти соҳасида янги тартибга солиш сиёсатини жорий этиш тўғрисидаги қонунни амалга ошириш доирасида бизнес юкини тубдан камайтириш мақсадида давлат томонидан тартибга солишнинг бутун мажмуаси тўлиқ қайта кўриб чиқилади», — деди вазир.

Алибек Қуантировнинг айтишича, бюджетнинг даромад қисмини мустаҳкамлаш учун, биринчи навбатда, тоғ-кон саноатидан қўшимча даромад олиш кўзда тутилган.

«Нархлар конъюнктурасидан келиб чиқиб, барча қаттиқ фойдали қазилмалар бўйича фойдали қазилмаларни қазиб олиш учун қўшимча солиқ миқдорини ҳисоблаш механизмини йўлга қўйиш таклиф этилмоқда. Иккинчидан, нефть маҳсулотларини ишлаб чиқарувчилар ва етказиб берувчилар занжиридан маржанинг бир қисмини олиш «, - деди у.

Вазир инвестиция жозибадорлигини тиклаш мақсадида жорий йилнинг феврал ойида 2025 йилгача бўлган инвестиция сиёсати концепциясини қабул қилиш режалаштирилаётганини таъкидлади.

«Унинг доирасида инвестиция сиёсати ESG талабларини, глобал энергетика ва технологияларга ўтишни ҳисобга олган ҳолда қайта кўриб чиқилади», — деди Алибек Қуантиров.

Муаллиф: Марлан Жиембай


Калит сўзлар: ҚР Миллий иқтисодиёт вазирлиги,
Юқорига