Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

2025 йилдан Қозоғистон ЕОИИ мамлакатларида адолатли роуминг тарифларига ўтиши мумкин

29 Октябрь 2021 19:30

NUR-SULTAN. Kazinform - Қозоғистон 2025 йилдан бошлаб Евроосиё иқтисодий иттифоқи мамлакатларида адолатли роуминг тарифларига ўтиши мумкин. Бу ҳақда Евроосиё иқтисодий комиссиясининг рақобат ва монополияга қарши тартибга солиш вазири Aрман Шаққалиев маълум қилди, дея хабар беради Kazinform.

Aрман Шаққалиев Евроосиё иқтисодий комиссияси Кенгаши буйруғи билан Евроосиё иқтисодий иттифоқи (иттифоқ) ҳудудларида халқаро роумингда мобил алоқа хизматлари учун адолатли тарифларни белгилаш учун зарур шарт-шароитларни яратиш бўйича чора-тадбирлар режасини қабул қилиш масаласига ойдинлик киритди ( Комиссия кенгаши).

«Бугун Комиссия томонидан қабул қилинган адолатли роуминг тарифларини ўрнатиш бўйича чора-тадбирлар режаси аъзо давлатлар фуқаролари ва халқаро ҳамжамиятнинг «интеграцияси» ҳаракатини акс эттиради.

Режани ишлаб чиқиш ташаббуси билан Қозоғистон Бош вазири Aсқар Узақпайули Мамин чиқди. Бу ташаббус 2019 йил октябр ойида Ереванда бўлиб ўтган ҳукуматлараро йиғилишда эълон қилинган эди.

Шуни таъкидлашни истардимки, шунга ўхшаш қарорлар кўплаб интеграцион бирлашмалар, жумладан Ғарбий Aфрика Иттифоқи ва Aнд ҳамжамияти томонидан ҳам қабул қилинган. Масалан, Европа Иттифоқи роумингда «уй» тарифларининг жорий этилишини 20 та энг яхши ютуқлардан бири сифатида тан олди.

Режада Иттифоққа аъзо давлатларнинг давлат органлари, шунингдек, уяли алоқа операторлари билан бир қатор технологик ва ташкилий масалаларни ўрганиш кўзда тутилган.

Бундан ташқари, Режа адолатли тарифлардан адолатли фойдаланиш қоидаларини ишлаб чиқишни ўз ичига олади. Яъни, у роумингда «уй» тарифларини қўллашнинг максимал муддатини белгилайди.

Ўз навбатида, биз Режанинг бажарилишини назорат қиламиз. «Тўлиқ жорий этилгандан сўнг, 2025 йилдан бошлаб биз Евроосиё иқтисодий иттифоқи мамлакатларида адолатли роуминг тарифларига ўтишимиз мумкин», — дейилади хабарда.

Калит сўзлар: Ахборот технологиялари,
Юқорига