Ауа райы
Астана -7 °С
Алматы 3 °С
валюта бағамы
USD 376.16
EUR 406.18
RUB 5.90
CNY 53.60

Жұмабай Қарағаев энергетика вице-министрі қызметіне тағайындалды

2019 жылдың 25 желтоқсан 2019 17:55

НҰР-СҰЛТАН. ҚазАқпарат - Қазақстан Республикасы Үкіметінің қаулысымен Жұмабай Ғаббасұлы Қарағаев Қазақстан Республикасының энергетика вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды.

Жұмабай Қарағаев 1971 жылы Атырау облысында дүниеге келген. Губкин атындағы Мәскеу университетінің «Мұнай және газ кен орындарын игеру және пайдалану» мамандығы бойынша түлегі, техника ғылымдарының кандидаты.

Ж. Қарағаевтың мемлекеттік қызметте және жеке секторда 19 жылдық еңбек өтілі бар. Түрлі жылдары Атырау және Маңғыстау облыстарындағы бірқатар жеке компанияларды, Атырау әкімдігінің ТКШ, жолаушылар көлігі және автомобиль жолдары бөлімін басқарған.

Атырау қаласы әкімінің орынбасары қызметін атқарды. Атырау облысының мемлекеттік сатып алулар басқармасының басшысы, Атырау облысының энергетика және тұрғын үй-коммуналдық шаруашылық басқармасының басшысы лауазымдарын атқарды. Атырау облысы Мақат ауданының әкімі лауазымында болды.

Осы жылдың қыркүйегінен бастап Атырау облысы әкімінің орынбасары болып жұмыс істеді.

Жоғары қарай