Ауа райы
Астана 16 °С
Алматы 14 °С
валюта бағамы
USD 412.55
EUR 468.66
RUB 5.79
CNY 58.80

Жүкембаев-Лара жекпе-жегін қайдан көруге болады

2020 жылдың 23 қаңтар 2020 14:55

НҰР-СҰЛТАН. ҚазАқпарат – Канадада 25 қаңтар күні өтетін Батыр Жүкембаев пен мексикалық Рикардо Лара айқасын «Хабар» арнасы тікелей эфирден көрсетеді, деп хабарлайды ҚазАқпарат тілшісі.

Батыр Жүкембаев (17-0, 13 КО) басты айқаста шығатын Канададағы бокс кешіне барлық билеттер сатылып кеткенін бұған дейін хабарлаған едік. Сондай-ақ боксшының IBF Latino чемпионы аргентиналық Максимилиано Рикардо Веронға (12-3-1, 4 КО) қарсы айқасатыны жарияланған болатын. Алайда, канадалық БАҚ-тың хабарлауынша, отандасымыз «Рики» лақап атты мексикалық Рикардо Ларамен (22-7, 10KO) кездеседі.

25 қаңтарда өтетін айқаста қазақстандыққа тиесілі бірінші орта салмақтағы WBA Continental Americas пен IBF Inter-Continental титулдары сарапқа салынады.

«Қазақстандық бокс сүйер қауым Жүкембаев-Лара айқасын «Хабар» арнасынан тікелей эфирден көре алады. Жекпе-жек жексенбі күні (26 қаңтар) сағат 08.30-да басталады», - деп хабарлады «Қазақстан кәсіпқой боксы» федерациясынан.

Естеріңізге сала кетейік, Батыр Жүкембаев былтыр 26 қыркүйек күні Монреальда мексикалық Мигель Васкеске қарсы (41-9, 15 КО) өткізген соңғы жұдырықтасуында төрешілердің бірауызды шешімімен жеңіске жеткен болатын. Халықаралық бокс ұйымының (IBO) рейтингінде ол өз салмағында 11-ші орында тұр.


Автор Аян Бекенұлы
Басты сөздер: Бокс, Спорт,
Жоғары қарай