Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жетісайда жыл басынан бері карантин талабын сақтамаған 150-ге жуық нысан анықталды

2021 жылдың 20 мамыр 2021 17:22

ЖЕТІСАЙ. ҚазАқпаарат - Түркістан облысы, Жетісай ауданында карантин талабын сақтамаудың 150-ге жуық жайты анықталды.

Барлық кәсіпкерлер мен жергілікті тұрғындарға қатысты іс-құжаттар аудандық санитарлық-эпидемиологиялық бақылау басқармасына жолданды, деп хабарлайды ҚазАқпарат тілшісі.

Облыстық ПД баспасөз қызметінің мәліметінше, карантин талаптарын бұзу деректері аудандағы дәмхана-барлар, мейрамханалар мен тойханалар және бильярд пен компьютерлік ойынхаларда анықталған. Яғни, осы ойын-сауық орындары белгіленген уақытқа қарамай, келушілерді қабылдаған. Сонымен қатар ондағы қызметкерлер бетпердесіз жүрген. Мәселен, Асықата кентінде орналасқан компьютер клубында 10-нан астам адам болған. Олардың біразы бетперде тақпаған. Жетісай қаласындағы мейрамханалар да белгіленген уақытта жабылмастан, ашық тұрғаны анықталған. Рейд кезінде кезекті бильярд клубы мен ойын-сауық орындарында карантин талабы сақталмаған. Аталған құқық бұзушылықтар бойынша ғимаратты жалға алып, адамдарға қызмет көрсеткендерге қатысты іс-құжаттар заңды шешім қабылдау үшін Жетісай аудандық СЭББ-ға жолданды.


Жоғары қарай