Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жекешелендіру: Қазақстанда 50 млрд теңгеге 149 нысан сатылды

2021 жылдың 12 қазан 2021 12:00

НҰР-СҰЛТАН. ҚазАқпарат – Жекешелендірудің 2021-2025 жылдарға арналған кешенді жоспары аясында 149 нысан сенімгерлік басқаруға беріліп, 7 нысан таратылды. Бұл туралы ҚР Қаржы министрі Ерұлан Жамаубаев Үкімет отырысында мәлім етті, деп хабарлайды ҚазАқпарат тілшісі.

«Жекешелендірудің 2021-2025 жылдарға арналған кешенді жоспарында 733 объектіні сату көзделген.

Есепті кезеңде сомасы 50 млрд теңгеге 149 объект сатылды және кейіннен сатып алу құқығымен сенімгерлік басқаруға берілді. 120 объект сатылымға қойылды. 7 объекті таратылады. Алдағы уақытта 397 объектіні өткізу керек», - деді веомство басшысы Үкімет отырысында.

Сондай-ақ, ол Үкімет отырысында мемлекеттік сатып алу бағытында жүргізілген камералдық бақылаудың қорытындыларын баяндады.

«Биылғы 9 айдың ішінде 5,7 трлн теңгенің 675 мыңнан аса мемлекеттік сатып алу рәсімі камералдық бақылаумен қамтылды. Тексерулер қорытындысында 32,4 мың рәсім бойынша бұзушылықтар анықталып, оларды жою туралы жіберілген хабарламаның 98% орындалды. Аудиторлық іс-шарамен 1 трлн 671 млрд теңгенің бюджет қаражаты қамтылып, 155 млрд теңге сомасына қаржылық бұзушылықтар анықталды», - деді министр.


Жоғары қарай