Ауа райы
Астана 0 °С
Алматы 10 °С
валюта бағамы
USD 421.58
EUR 496.83
RUB 5.53
CNY 62.20

Жазасын өтеп жатқан жасөспірімдер онлайн-білім алуға көшті

2020 жылдың 9 сәуір 2020 21:51

НҰР-СҰЛТАН. ҚазАқпарат – Алматыда орналасқан кәмелетке толмаған қылмыскерлерге арналған ЛА-155/6 мекемесінің мектебі онлайн-оқытуға көшті. Бұл жайында Алматы қалалық Қылмыстық атқару жүйесі департаментінен мәлім етті, деп хабарлайды ҚазАқпарат тілшісі.

«Алматы қалалық ҚАЖ департаментіне қарасты ЛА-155/6 мекемесінің мектебі кәмелеттік жасқа толмаған қылмыскерлерге арналған еліміздегі жалғыз оқшауланған оқу орны саналады. №3 балалар калониясының жалпы білім беру мектебінде оқып жатқан жазасын өтеуші кәмелетке толмағандар үшін осы жылдың 6 сәуірінен бастап «Balapan« және «Elarna« телеарналары арқылы онлайн-форматта сабақ өте бастады», - деп атап өтеді департаменттен.

Аталған жүйемен балалардың сапалы білім алуын отряд бастықтары мен тәрбиеші-мамандар бақылау жүргізеді. Сонымен қатар колония оқытушылары, сынып жетекішлері қашықтан оқыту жағдайында оқушылармен кері байланысты да жүзеге асырып отыр.

«2019-2020 оқу жылының басында, 1 қыркүйекте 53 оқушы білім алатын 6 сынып жасақталды. Оның ішінде 28 оқушы мемлекеттік тілде, 25 оқушы орыс тілінде білім алады. Бұл мектеп Алматы қалалық Білім басқармасы бекіткен оқу бағдарламасы бойынша білім беру қызметін жүзеге асырады», -дейді ведомстводан.


Жоғары қарай