Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Жанкүйерлер Димаш Құдайберген туралы веб-ойындар жасады

2021 жылдың 6 наурыз 2021 02:22

НҰР-СҰЛТАН. ҚазАқпарат – Аргентиналық жанкүйерлер Димаш Құдайберген туралы веб-ойындар шығарды, деп хабарлайды ҚазАқпарат dimashnews.com сайтына сілтеме жасап.

Шағын ойын жасау идеясы La Era Dimash станциясының негізін қалаушы Паола Профетаға тиесілі. Ол радионың графикалық дизайнына жауап беретін Сильван Агирреден көмек сұраған. Кейін бірге отырып, ойындарды безендіруге арналған суреттерді таңдаған. Олардың арасында Бәйтерек және Ақтөбе қаласының көрікті жерлері бар.

Ойындар өте қарапайым қосымшаның көмегімен жасалды және оларды тегін ойнауға болады. Фанаттар La Era Dimash станциясының жобасын қуана қабылдаған. Қазақстандық әншінің әртүрлі жастағы жанкүйерлері ризашылық білдіруде. Өйткені ойындар жеңіл және бос уақытты көңілді өткізуге көмектеседі.


Енді La Era Dimash станциясы өзге де ойын-сауық жобаларды дайындамақ. Мәселен, Димаш және Қазақстанның мәдениеті туралы викторина-қосымшаны құру жоспарлануда.

Еске салайық, Димаш пен оның жанкүйерлеріне арналған La Era Dimash атты тәулік бойы жұмыс істейтін алғашқы радиостанция 2020 жылдың 14 шілдесінде құрылды. Димаштың әндері ғана орындалатын радионы ашу туралы идея оның аргентиналық жанкүйері Паола Профетаға 2019 жылдың тамыз айының соңында келген. Бойжеткенге Латын Америкадағы және бүкіл әлемдегі Dears белсенді қолдау білдірген.


Жоғары қарай