Ауа райы
Астана -2 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Жанкүйерді басынан тепкен «Марсель» футболшысы алаңнан қуылды

2017 жылдың 3 қараша 2017 08:00

АСТАНА. ҚазАқпарат - Еуропа лигасының аясында Францияның «Марсель» клубы мен Португалияның «Витория Гимарайнш» командасы арасындағы ойын алдында оқыс оқиға болды.

Өз жанкүйерлерімен керісіп қалған «Марсель» қорғаушысы Патрис Эвра олардың бірінің басынан тепкені үшін ойын басталмай жатып, алаңнан қуылды.

Францияның L'Equipe газетінің журналисі Карим Аттаб Twitter-де «Эвраны өз жанкүйерлерінің бірі балағаттаған», - деп жазды. «Ойыншы бұған 30 минуттай шыдап, ақыры болмаған соң «Марсель» фанаттары отырған секторға барады. Жанкүйерлер де оған қарай жақындап, Эврамен және марсельдіктердің басқа да ойыншыларымен сөз қағыстыра бастаған. Өзін балағаттаған кезде бұған шыдай алмаған Эвра жанкүйерлердің бірінің басына теуіп кеп жіберді».

Бұл қылығы үшін матч төрешісі Томаш Богнар оны алаңнан қуды.

Эвра «Манчестер Юнайтед» сапында бес дүркін Англия чемпионы және Чемпиондар лигасының жеңімпазы болған.

Автор Ерлан Қожакелдиев
Басты сөздер: Спорт,
Жоғары қарай